Әйелдер тегін білім алып, өз кәсібін аша алады

Елордада көпбалалы аналар, жалғызбасты әйелдер және мүмкіндігі шектеулі балаларды тәрбиелеп отырған аналар "Кәсіпкер ана" жобасы аясында білім алып, жаңа мамандықты игере алады, деп хабарлайды қала әкімдігінің ресми сайты.

Жоба ұйымдастырушысы Жұлдыз Байболованың айтуынша, бағдарлама курсқа қатысқысы келетін әрбір әйелге жаңа мамандық бойынша білім беріп, кәсіп бастауға бағыттайды. Осы уақытқа дейін 120 ана білім алып, арнайы сертификат алған. Әйелдер қазіргі заманға сай қажетті мамандық бойынша курстан өтіп, сүйікті істі бизнеске айналдыра алады.

"Кәсіпкер ана" жобасына Telegram желісіндегі @Kasipkerana_bot арқылы өтінім қабылданады. Ал бағдарлама жайлы қосымша ақпаратты @kasipker_ana инстаграм парақшасынан оқуға болады.

Қарап көріңіз 👇