Мұғалімдер, дәрігерлер, полиция, әлеуметтік қызметкерлерге пәтер беріледі

Нұр-Сұлтан қаласында кейбір мамандық иелеріне баспана беріледі. Бұл туралы Алтай Көлгінов "Астана" телеарнасының тікелей эфирінде айтты.

"Жақында еліміздің баспана алуға бағытталған ипотекалық компаниямен келісімшартқа отырдық. Жыл соңына қарай пәтерлерді (сатып алу құқығымен) үлестіре бастаймыз. Бұл бағдарлама арнайы баспанаға мұқтаж мұғалім, дәрігер, әлеуметтік қызметкерлер мен полицейлерді қолдау мақсатында жасалды. Полицейлер біздің тыныштығымыздың қорғаны, ұстаздар баламыздың біліміне жауапты, ал дәрігерлер адам өмірі үшін күні-түні күреседі. Оларға қолдау білдіру керек. 8 мың пәтерден 1 мың пәтер осы санаттағы мамандарға беріледі", – деді қала әкімі.

Еске сала кетейік, «5-10-20» бағдарламасы жақында «Шаңырақ» бағдарламасы деп аталатын болды. Биыл оған 1986-2010 жылдар аралығында тұрғын үй кезегіне тұрған жандар қатыса алады. Бағдарлама 17 тамызда басталады.
Қарап көріңіз 👇