Қазақстанда елдімекендерге байырғы тарихи атауы қайтарылуы мүмкін

Еліміздегі кейбір жер-су және елдімекендердің байырғы тарихи атауын қайтару қажет. Республикалық ономастикалық комиссияның мүшесі Серік Негимов осылай деп мәлімдеді.

Профессордың айтуынша, ономастикалық жұмыстарды жүргізген кезде қоғамдық пікірді ескеру керек, деп хабарлайды 24.kz.
Сондай-ақ, ауылға атасының, көшеге көкесінің атын бергісі келетін пысықайлардың жолына тосқауыл қойған абзал. Өйткені ономастика саласындағы нормативтік құқықтық базаны жетілдіру қолға алына бастады.
Серік Негимовтың хабарлауынша, жер-су, елдімекендердің бұрынғы тарихи атауларын қалпына келтіру керек.
Елімізде осыған байланысты көп шаруалар істелді. Бір ғана Астананы мысалға алғанда, Кенесары, Абылайхан атаулары көшелерге берілді.