Айдана Меденова өзінің тұрмыста екеніне қарамастан сөз айтатын жігіттерге жауап берді

Танымал әнші Айдана Меденова желіге хат жазып, мазасын алатын жігіттерге жауап берді деп хабарлайды nur.kz.

Бұл туралы ол НТК арнасының "Ревю" бағдарламасында айтты.

Айдана Меденованы бейтаныс жігіттер мазалап жүр. Ғаламторда хат қалдырып, танысуға әрекет жасайтын ер азаматтар, әншінің тұрмыста екенін де ескермейтін көрінеді.

Өмірлік жарын жолықтырып, бір қыздың анасы атанса да, Айданаға сезімін білдірген серілердің саны толастар емес. Ғаламторда хат жазып, тұрмыстағы сұлу келіншекке түрлі ұсыныс жасап, таң қалдырғандар жетерлік.

"Әр түрлі адамдар болады. Кейбіреулер тіпті қызық жағдайларға кетеді… Меніңше ол жақсылыққа апармайды. Ондай танысуларға қатты мән бермеймін. Ешқандай мағынасы жоқ сіздердің хаттарыңыздың мен үшін. Өз бақыттарыңызды табыңыздар", - деді Айдана.

Айдана сезімін білдірген жігіттерге, енді ән арқылы жауап беріп жүр.