Балаларыңызды мектепке дайындау үшін қанша қаражат керек?

Жаңа оқу жылының жақындап келе жатқанына байланысты оқу-құралдары мен киім-кешекке кететін шығынның мөлшері әрбір ата-ананы алаңдататыны анық. Осы орайда Ranking.kz статистикалар және қаржы порталы 1 қыркүйекке балаларды толық дайындау үшін қанша қаражат керек екеніне шолу жасады, деп хабарлайды Dauletten.kz.

Шолу негізінде бағаларында айырмашылық аз «Детский мир», «Кари кидс», «Остин», «Дефакто», «Марвин» сияқты желілік дүкендер, сондай-ақ, еліміздегі танымал wildberries және Kaspi.kz онлайын дүкендерінің бағаларымен есептелген. Ал жергілікті базарлар мен бөлшек сауда дүкендеріндегі бағаларға шолу жасау мүмкін болмады. Өйткені, әр аймақтың бағаларының арасында қатты айырмашылық бар.

Шолуда мектепке ең қажетті сатып алулар тізіміне ҚР-да бекітілген стандарттарға сай мектеп формасы, сондай-ақ күнделік және спорттық аяқ киім, дене шынықтыруға арналған форма, ортопедиялық арқасы бар рюкзак және кеңсе тауарларының жиынтығы есепке алынды.  

Нәтижесінде 25 маусымдағы жағдай бойынша сатып алудың жалпы құны 100 мың теңге шегінде болды. Ұлдар мен қыздарға арналған алымдар шығындарындағы айырмашылықтар шамалы болды, бірақ дүкендер мен маркетплейстерде сатып алудағы айырмашылық шамамен 10 мың теңгені құрады. Интернеттен мектеп формасы мен керек-жарақтарын сатып алу арзанырақ болды — бір ұлға 95,8 мың теңге және бір қызға 96,3 мың теңге, ал желілік дүкендерде ұлдарға арналған ең төменгі мектеп жиынтығының құны 105,5 мың теңге, қыздар үшін-105,6 мың теңге.

таблица: Ranking.kz-тен алынған

Айта кетейік, 100 мың теңге – бұл негізгі шығындарғы кететін ақша. Өйткені, есептеу кезінде мұғалімге арналған гүл шоқтары, жұмыс және пәндік дәптерлер, шұлықтар, шашқа арналған түйреуіштер, қыздарға арналған гольфтар немесе колготкалар, күзгі сыртқы киім, Деми-маусымдық аяқ киім, ата-аналар комитетінің сынып қорына арналған ақшалай төлемдері сыынды шығындар есепке алынбады.

Қазақстандықтардың жалақысына сай сатып алу қабілетінің минус көрсеткіштерін ескере отырып, биылғы жылы балаларды мектепке жинау қазақстандықтарға қиынырақ болады деп болжауға болады. ҚР-да жалақы мөлшері өскен жоқ, тіпті азайды десе де болады. Осы жылдың қаңтар-наурыз айларында нақты жалақы индексі небәрі 99,4% құрады.

Көптеген отбасылар бюджеті үшін 100 мың теңге қалтаға қиын түсетіні анық. Айына 100 мыңнан 150 мың теңгеге дейін жұмсауға мүмкіндігі бар балалары бар отбасылар – 15,8%, ал 150 мың теңгеден астам – 6,6%-ды құрайды.

Көп балалы отбасыларда жағдай нашар. Төрт және одан да көп баласы бар барлық үй шаруашылықтарының 19%-ы айына бір адамға 10 мыңнан 40 мың теңгеге дейін жұмсайды. Көпбалалы отбасылардың жартысына жуығы (47,9%) тұтынуға пайдаланылған жан басына шаққандағы орташа табыс 40 мыңнан 60 мың теңгеге дейін. Бір адамға 100 мың теңгеден астам шығыстар көп балалы отбасылардың тек 4,2% -ның ғана мүмкіндігі бар.

Қарап көріңіз 👇