2013 жылдың шілдесінде Қазақстанның ақша айырбастау пунктерінде 2520 млн доллар және 6105 млн рубль сатылды.

Жоғары лауазымды ресейлік шенеуніктер өздерінің мемлекеттік қызметтерін жоғалтып алмас үшін шетелдік шоттардан арылатын соңғы күн аяқталды.

Фото: drive2.ru

Ағымдағы жылдың 19 мамырында қабылданған заңға сәйкес, жоғары лауазымды шенеуніктерге, парламентшілерге, судьяларға, құқық қорғау органдарының қызметкерлеріне, әскери қызметшілерге және мемлекеттік қызметшілердің өзге де санаттарына ақша қаражаттарын РФ аумағынан тыс орналасқан шетелдік банктерде сақтауға, шет ел мемлекеттерінің мемлекеттік бағалы қағаздарын, облигацияларын, акцияларын иемденуге тыйым салынады - деп хабарлады baq.kz.

Аталмыш санаттағы мемлекеттік қызметшілер РФ аумағынан тыс жерде жылжымайтын мүлікке ие бола алады, бірақ ол міндетті түрде декларацияланған болуы тиіс.

Заңға бағынбау Федерация Кеңесінің мүшесі, Мемлекеттік Дума депутаты, федералды судья өкілеттігін мезгілінен бұрын тоқтатуға, сондай-ақ алып отырған қызметінен босатуға алып келеді. Заңның тыйымдары сондай-ақ аталған мемлекеттік тұлғалардың жұбайлары мен кәмелетке толмаған балаларына таратылады.

Отандық көлікті тізгіндеуге отанымыз көмектесе ме? Жуырда Индустрия және жаңа технологиялар вице-министрі Альберт Рау отандық көліктерді сатып алуға мемлекет демеу қаржы қарастыратыны туралы айтып қалды.

Яғни, тұтынушыға түсетін несие салмағы қазына есебінен жабылуы мүмкін. Бұл идея қазақстандық авто-бизнес қауымдастығына жағып отыр. Ал тиімділігі бойынша сарапшылардың пікірі әртүрлі.

Қазақстандағы  машина жасау саласы өкілдерімен кездесуде айтылған ұсынысқа қатысты сарапшылар мен автоөндіріс мәселесімен шұғылданушы мамандардың  пікірлері әрқилы. Бастама мақсаты айқын біріншіден, отандық автоөндіріске серпін беру, екіншіден ішкі өнімнің халыққа қол жетімді болуына жол ашу. Деректерге сүйенсек, соңғы жылдары қазақстандық автоөндірістің сауда көлемі едәуір жақсарған.

"Өткен жылмен салыстырғанда ағымдағы жылы сатылған отандық автокөліктер саны 84836-ға жетті. Яғни былтырғы жылдан 74 пайызға жоғары.....

Қазақстанда украиналық Roshen компаниясының өнімдерінен зиянды қоспалар табылмады, деп мәлім етті жұма күні, 16 тамызда, ҚР бас санитарлық дәрігері Жандарбек Бекшин.

"Тексеріс аяқталды. Өнімнің 101 үлгісіне зерттеу жүргізілді, яғни Астанада – 46, Алматыда 55 өнімге, кәмпиттердің атауы осыншалық. Барлығы микробиологиялық көрсеткіштер бойынша Кедендік одақтың азық-түлік өнімдерінің қауіпсіздігі талаптарына толық сәйкес келеді", - деді Жандарбек Бекшин жұма күні ҚазТАГ тілшісіне телефон арқылы берген сұхбатында.

Ол сондай-ақ аталмыш компанияның тауарларын Қазақстан аумағына енгізуге ешқандай тыйым салынбайтындығын атап өтті. Бұған дейін хабарланғандай, Ресейде украиналық Roshen компаниясы өнімдерінің құрамынан бензапирен....

Бүгін Қазақстан 2022 жылы Алматыда қысқы Олимпиада ойындарын өткізуге ресми түрде өтініш береді.

Бұл туралы ҚР Спорт және дене тәрбиесі істері агенттінің төрағасы Ерлан Қожағапанов мәлім етті.

Протон-М зымыран тасығышы құлаған аумақта гептил деңгейі айтарлықтай төмендеген. Оның салдарын жою бойынша үкіметтік комиссияның төрағасы, қоршаған ортаны қорғау министрі Нұрлан Қаппаров Қызылорда өңіріне жұмыс сапарымен жетті.

Фото: inform.kz

Жақында өткен апаттың орны толмай жатып, Роскосмос Байқоңырдан тағы бір протон ұшырмаққа бекініпті деген ақпарат тараған болатын. Алайда министр жуырдағы апатқа қатысты мәселелерді шешіп алмайынша, бұған жол бермейміз деп отыр.

Қызылорда өңіріне тараған гептил мөлшерінің әлдеқайда азайғаны не керек. "Роскосмос" өткен апаттың табы басылмай жатып Байқоңырдан тағы бір протонын ұшырады деген ақпарат желдей есті.

Қызылорда өлкесін гептилден залалсыздандыру мәліметтері жарияланған комиссия отырысында осы талқыланды. Ресей тарабы қыркүйектің 15-інде зымыран тасығышын ұшырмаққа дайын екендігін тамыздың жетісінде жариялаған болатын. 

"Роскосмос" төрағасымен кездескен қоршаған ортаны қорғау министрі Нұрлан Қаппаров "жағдайды реттемесеңдер тіпті зымыран ұшыруға рұхсат бермейміз", - деп  ескерту жасады.

Қазақтың "қазыналы" кәсіпкерінің шексіз мүмкіндігіне түрік журналистері "тәнті" болды. Жергілікті баспасөздің дерегі бойынша, қазақ бизнесмені- әлемдегі ең қымбат кемені ойланбастан жалға алған.

Фото: boatingblog.ru

Су көлігін жалдағаны үшін, қалталы азамат- аптасына 550 мың еуро төлеген. Отандасымыз бұл қайықты үш аптаға жалдапты. Ал, жағажайға кәсіпкер- тікұшақпен ұшып келген.

Бахуатты кәсіпкер Жерорта теңізінде екі баласымен және зайыбымен демалған. Түркиялық баспасөз, туристер отбасын бір топ оққағардың күзеткені туралы да жарыса жазуда.

Бодрумдағы Яликавак жағалауында бой көрсеткен бұл катердің ұзындығы - 85, ені 23 метр. Қайықтың 6 люкс, 10 мастер каютасы және 36 жатын бөлмесі бар

. Сондай- ақ бұл кеме ашық хауызызымен, фитнес орталығымен, кинотеатр және кішігірім сүңгуір қайығымен де танымал. Ең қымбат қайықты жалдаған қалталы қазақ азаматының аты-жөні аталмай отыр.

Бүгін Қазақстан 2022 жылғы қысқы Олимпиада ойындарын Алматыда өткізуге ресми түрде өтінім береді.

фото с сайта gde.kg

Бұл туралы ҚР Спорт және дене шынықтыру істері агенттігінің төрағасы Ерлан Қожағапанов BNews.kz тілшісіне берген сұхбатында хабарлады.

"Кеше Президенттің тапсырмасымен Алматы қаласы әкімдігі және Олимпиада комитетімен бірге алқашқы кеңес өткізілді. 2022 жылғы қысқы Олимпиада ойындарын Алматыда өткізуге ресми түрде өтінім беру туралы шешім қабылданды", - деді Е.Қожағапанов.

Сонымен бірге Алматы, ведомство басшысының сөзіне қарағанда, бұған толығымен дайын, нысандардың басым бөлігі Азия ойындары қарсаңында салынып, мақұлданды.

"Бірнеше спорттық нысандар салсақ жеткілікті, ал жөндеуді қажет ететін нысандарға 2022 жылға қарай жөндеу жұмыстары жүргізіледі. Көліктік логистика дайын", - деп атап өтті Е.Қожағапанов.

Агенттік төрағасы атап өткендей, Олимпиада өткізуге қажетті барлық спорттық нысандар Алматыда орналасады. "Ресми өтінім бүгін беріледі", - деді ол.

Мысырдағы жағдай күннен-күнге ушығып барады. Осы орайда еліміздің Сыртқы істер министрлігі Қазақстан азаматтарын аталмыш елге сапарға шығуға асықпауға үндеді.

Мекеменің ресми өкілі Жанболат Үсеновтың айтуынша, кеше Каирде болған қақтығыстан зардап шеккен отандастарымыздың бар-жоғы туралы мәлімет әзірге түспеген.

Естеріңізге салайық, осыдан бірер күн бұрын Мұхаммед Мүрси жақтастары мен Мысыр әскери күштері арасында болған қақтығыста 287 адам қаза тапқан. 2 мыңнан астам адам түрлі жарақат алған. Қаза тапқандардың 43-і полиция қызметкерлері екендігі анықталды.

Ақпараттық агенттіктердің мәлімдеуінше, оқиға барысында әскерилер Мүрсидің қолдаушылары орналасқан 2 шатырды бұзып, көтеріліске қатысушыларды таратуға кіріскен.

Ал, оппозицияның айтуынша, тәртіп сақшылары ереуілшілерді жаппай қырып жойған. Енді елдің 11 провинциясында коменданттық тәртіп енгізілді.

Осы жылдың 1 тамыздан бастап мектепке өтініштерді ғаламтор арқылы беруге болады. Өтініштер "E-learning" электрондық білім беру жүйесі бағдарламасы енгізілген мектептер үшін қабылданады.

Бұл туралы "Ұлттық ақпараттық технологиялар" АҚ баспасөз қызметі хабарлады. Ол үшін www.egov.kz электрондық порталында тіркелу қажет. Ата-аналар мектепті жалпы білім беретін мектеп, мектеп-гимназия немесе мектеп-лицей бейіндері бойынша таңдай алады.