София есімінің мағынасы – грек. – ақылды, білімді, дана. Сафия есімімен үндес, Сафия – "саф таза, тұнық; таңдаулы" деген мағына береді.

Аружан есімінің мағынасы - сұлу, көркем деген мағынада қойылады. 

Аяна есімінің мағынасы – араб тілінен – өз көзімен көру, айқындылық, анықтық, ақиқат, шындық. 

Аяла есімінің мағынасы – қаз. мәпелеп өсіру, әлпештеу.

Амина есімінің мағынасы – қазақша "Әмина". Араб тілінен – 1) адал, сенімді; 2) зиянсыз, сәтті, игілікті.  

Санжар есімінің мағынасы — көне түркі тіліндегі Саншора есімінің дыбыстық тұрғыдан өзгерген түрі. Көне түркі, қазақ тілінде сан – "он мың", "шора – ер, батыр" деген мағыналарды білдіретінін ескерсек, "бір өзі он мың қолға тең ер, батыр" мәнінде қойылған есім екенін байқаймыз. Ғасырлар бойы айтыла келе, Саншора-Саншор-Саншар-Санжар болып өзгерген. Тағы бір мағынасы – бұзып өтуші. 

Ерасыл есімінің мағынасы – аса аяулы, нағыз батыр.

Айару есімінің мағынасы – "ай" мен "ару" сөздерінің қосындысы. Айдай сұлу ару болсын ниетпен қойылған. 

Әли есімінің мағынасы – араб тілінен ғали – биік, аса, зор, заңғар. Біріккен тұлғалы есімдер – Әлиасқар, Әлиакпар, Әлиахмет. Синонимдері: Ғали, Қали, Әлі, Алы.