Жеміс-жидектер

Мақсаты: Жаңа сөздерді меңгерте отырып, жеміс - жидектерді атай білуге дағдыландыру. Көкөністер мен жемістерді бір - бірінен ажырата білуге үйрету. Балаларды еңбекқорлыққа, тазалыққа, ұқыптылыққа тәрбиелеу. Негізгі меңгеретін сөздер: Алма, алмұрт, жүзім, анар, өрік, шие
Қолданылатын көрнекі құралдар: жеміс - жидектер суреттері, муляждар, қуыршақ Айсұлу, компьютер, слайд.
Қажетті құрал - жабдықтар: жұмыс - дәптері, үлестірмелі материал.
Әдіс - тәсілдер: түсіндірме, сұрақ – жауап, ойын, практикалық
Іс - әрекет кезеңдері Педагогтың іс - әрекеті Балалардың
іс - әрекеті
Мотивациялық – қозғаушылық Сәлемдесу.

Шаттық шеңбері
Қайырлы таң! Алтын күн!
Қайырлы таң! Көк аспан!
Қайырлы таң! Жан достар!
Қайырлы таң! Қонақтар!

- Қане, балалар, орындарымызға отырайық! (Осы кезде есікті тарсылдатып қаққан дауыс естіледі. Тук - тук)
- Балалар, естіп тұрсыңдар ма? Бізге қонақ келіп тұрған сияқты.
(Қонаққа Айсұлу деген қуыршақ келеді. Қолында жеміс - жидектердің муляждары салынған себет пен сиқырлы дискі бар)
- Балалар, қонағымызбен амандасайық!
- Балалар, Айсұлу бізге себетпен жеміс - жидектер алып келіпті. Ол бізбен бірге жеміс - жидектерді қазақша атап үйренгісі келеді екен.
- Айсұлуға көмектесеміз бе?
- Қазір жылдың қай мезгілі?
- Күз мезгілде көкөністер мен жемістер піседі.
Біз өткен ҰОІӘ - ндегі «Көкөніс» атауларын қайталап, Айсұлуға қазақша айтып берейікші! (Жұмыс дәптеріндегі жаттығуларды қайталау) - Сәлеметсіз бе! - Здравствуйте!
- Good moning!
Балалар педагогпен бірге шаттық шеңберін орындайды.

Балалар қонақпен үш тілде амандасады.

- Ия!
- Күз мезгілі!

Көкөністердің атауларын қайталайды.
Ұйымдастыру - шылық - ізденістік - Балалар, бүгін «Жемістер» тақырыбымен Айсұлумен бірге танысайық!

Суретпен жұмыс. Жемістердің қазақша атауларын атау.

Жұмыс дәптерімен жұмыс.
Педагог балаларды жұмыс - дәптердегі «Мынау - алма» тақырыбына арналған оқу іс - әрекетінің үлгісімен таныстырады. 1 - тапсырмадағы сурет бойынша балаларды жеміс - жидектердің түрімен (алма, алмұрт, шие, өрік, жүзім) таныстырады.
2 - тапсырмадағы сурет бойынша жеміс - жидектерді атауларын қайталайды, қайсысы үлкен, қайсысы кішкентай екенін ажыратқызады.
Сергіту сәті
Тербеледі ағаштар,
Алдымнан жел еседі,
Кіп - кішкентай ағаштар,
Үп - үлкен боп өседі.

- Балалар, Айсұлу (дискіні көрсетіп) бізге қызықты бір тапсырма алып келіпті. Бірге тапсырманы орындаймыз ба?
Дид. ойын: «Қайсысы артық?»
Мақсаты: берілген нәрселердің ішінен артығын тауып, алған білімдерін тексеру.

Дид. ойын: «Жемістер мен көкөністер»
Мақсаты: жемістер мен көкөністерді ажырата білуге үйрету.
Шарты: екі себеттің біреуіне - жемістер, екіншісіне - көкөністер жинау.
Айсұлу: - Жарайсыңдар, балалар! Сендермен бірге ойын ойнаған қатты ұнады! Сендермен бірге тағы бір тапсырма орындағым келіп тұр!

Тапсырма: «Менің сүйікті жемісім немесе көкөнісім»
Шарты: берілген қағаздағы жемістер мен көкөністердің трафареттерінің ішінен өздерінің сүйікті жемісін немесе көкөнісін таңдап, қарындашпен бояу. Балалар педагогпен бірге жеміс атауларын қайталайды.

Топтағы балалар «Алма, алмұрт үлкен», «шие, өрік кішкентай»,- деп жеке - жеке, хормен бірнеше рет қайталайды.

Балалар мәтінге сай дене қимылдарын көрсетеді.

- Ия!

Балалар берілген төрт нәрсенің ішінен артығын тауып, неге артық екенін түсіндіреді.
Балалар жемістер мен көкөністерді екі себетке бөліп салады.
Балалар берілген тапсырманы қызыға орындайды.

Рефлексиялық - түзетушілік Айсұлу: - Балалар, менің қайтатын уақытым болды. Сендермен бірге жемістер атауларын қазақша үйреніп, қызықты тапсырмалар орындадық. Рахмет сендерге! Сендерге арнап алып келген кішкене сыйлығым бар (Кәмпиттер тарату). Сау болыңыздар!
Сұрақ - жауап
- Балалар, бүгін бізге кім қонаққа келді?
- Бүгін қандай жаңа тақырыппен таныстық?
- Қандай жемістердің қазақша атауларын білесіңдер?
- Жарайсыңдар, балалар! Осымен ашық ҰОІӘ аяқталды.
- Сау болыңыздар! Балалар қуыршақ Айсұлумен қоштасады.

Балалар сұрақтарға жауап береді.
- Қуыршақ Айсұлу.
- Жемістер
- Алма, алмұрт, жүзім, анар, өрік, шие .....