ЖАҢА ЖЫЛДЫҚ МЕРЕКЕ ЕРТЕҢГІЛІГІНІҢ СЦЕНАРИІ

Тәрбиеші: Айнаш Атмаевна Найманова, Қызылеңбек бөлімшесі, Қазақстан ЖОББМ жанындағы шағын орталық
Тақырыбы: «Келді міне, Жаңа Жыл»
Мақсаты: Балаларды «Жаңа Жыл» мерекесімен таныстыру. Орман аңдарының және дүние жүзінің адамдары шырша тойын қалай түсінетіні және оны қалай тойлайтыны жайында түсінік беру; балалардың көңіл-күйін көтеру; балаларды ұғымды әңгімелерге қатыстыру, әдеби шығармалардың кейіпкерлерін танып білу; өлендерді, тақпақтарды еске сақтауға үйрету; балаларды достыққа үйрету.
Жүргізуші: Жаңа Жылдың таңы неткен арайлы,
Ақ мамыққа бөлеп алды маңайды.
Жаңа Жылмен құттықтаймын бәріңді,
Бақыт шаттық, молшылық әкелсін,
Бәрімізге мына жыл арайлы.
Аяз ата әні.
Жүргізуші: Жақсы, балалар. Ал, енді, айтындаршы, балалар. Жаңа Жылдың сәні не?
Балалар: Шырша!
Жүргізуші: Қараңдаршы, қандай әдемі біздің шышрамыз. Қанша ойыншықтар, әдемі жарқыраған шамдар ілінген. Бірақ шамдар жанбай тұр ғой деймін. Неге екен? Қанеки, балалар, шыршамызға арнап ән айтып берейікші. Сонда, мүмкін, ол жанатын болар.
Шырша әні.
Жүргізуші: Өте жақсы. Балалар, енді біз шыршамызға арнап тақпақтарымызды айтып берейік.


Қаңтарда жасыл шыршаны,
Айналып ән саламыз.
Емес тек ол қыр сәні,
Оған жай үй, қаламыз.
Әдемілеп біз ілген,
Ойыншықтар тізілген.
Қандай жақсы шыршамыз,
Ән шырқайық баршамыз.
Шыршамызда керемет,
Ойыншықтар тағылған.
Алыс жақтан келіп тұр,
Аяз ата сағынған.
Жүргізуші: Қанеки, балалар, дауыстап шақырайық Аяз-Атаны.
Балалар: Аяз-Ата! Аяз-Ата! Ау! Кел!
Жүргізуші: Қояндар, Аяз атаның алдынан шығып. қарсы алыңыздар. Біз күтіп отырмыз, деп айтындар.
Қояндар жүгіріп кетеді. Осы сәтте Ақшақар кіріп келеді.
Ақшақар: Сәлеметсіңдерме, балалар. Біз Аяз-Ата екеуміз ендердің шырша тойыңызға асығып келе жатқан едік. Аяз-Ата жай жүріп, қалып кетті. Сен барабер, мен жетіп аламын деген. Балалар күтіп қалды ғой деп. Ал, мейрамдарыңыз көңілді өтіп жатыр ма?
Жүргізуші: Біз ән айтып, би билейміз.
Би «Ақшақар».
Жүргізуші: Қояндар, ау, сендерге не болды?
Қояндар: Қасқыр қуып келеді. Аяз-атаны қарсы алуға шығып едік, жолда түлкі мен қасқыр кездесіп, бізді қуып, қасқыр соңымыздан қалмады, ал түлкі басқа жаққа кетті.
Осы кезде арсалаңдап қасқыр кіреді, ол келе қояндарға ұмытылады, қояндар жүргізушінің тасасына тығылады.
Жүргізуші: Тоқта енді. Бұл қай басынғаның. Жай ма? Мына қояндар саған неге қажет болды?
Қасқыр: Түлкі ғой ұста деген.
Жүргізуші: Өзі қайда?
Қасқыр: Өзі Аяз-Атаны балабақшаға келтірмей адастыруға кетті.
Жүргізуші: О, қу түлкі, жүрген жері шу түлкі. Ол бір шатақты ұйымдастырмаса, жүре алмайды-ау. Сен қазір балаларға қонақ болып осында қаласың, ал, қояндар, мына жеделхатты орман аңдарына жеткізесіңдер.
Қояндар кеткді.
Біз күтеміз қантарда,
Ақшақар, Аяз-Атаны.
Сыйлықпен олар ал сонда,
Береді бізге батаны.
Қояндар қуанып кіріп келеді. Жандарында орман аңдары.
Қояндар: Бізге түлкі шанаға салынған сыйлықтарды беріп жіберді, ал Аяз Ата қазір келеді деді.
Жүргізуші: Аяз Атамызді шақыріп көрейік!
Балалар: Аяз-Ата! Аяз-Ата! Ау! Кел!
Аяз-Ата: Амансыңдар ма, балаларым?
Амансыңдар ма, қыздарым.
Қандай жарқын жүздерің,
Қандай әсем жырларың.
Шаршап келдім алыстан,
Өздеріңе оралдым.
Бар сыйлығым жоралғым,
Керемет бір ән тыңдап,
Келіп тұр-ау демалғым.
Жүргізуші: Қанеки, балалар, шырша айналып «Аяз-Ата» әнін орындайық.
Аяз-Ата: Жарайсыңдар, балалар. Ал, енді, ойын ойнайық:
1. «Кім тез?»
2. «Гүл жинайық»
Аяз-Ата: Енді мен кішкене демаламын.
Жүргізуші: Ал, балалар, Аяз-Атамызға тақпақтарымызды айтып берейік.
Би «Бұлақтын жаңында»
Би «Көңілді аспасшылар»
Би «Джаз»
Аяз-Ата: Көп рахмат, балалар. Жарайсыңдар!
Аяз-Ата: Рахмет, балалар. Ризамын сендерге. Ал, менің сендерге сыйлықтарым бар.
Аяз-Ата сыйлықтарды таратады да, қоштасады.
Жүргізуші: Көңіл өсіп кеңейсін,
Ортақ ойы, арманы,
Жақсы дәстүр көбейсін! .....