Сергіту сәті жаттығулары (мектепалды дайындық, бастауыш сынып, балабақша)

27.10.2017

Мен орыс тілінде білім алатын сыныптарда қазақ тілінен сабақ беремін, бастауыш сыныптарда міндетті түрде сергіту сәтін өткіземіз. Ол міндетті түрде болуы керек. Сондықтан әр мұғалім үшін пайдалы болар деген ниетпен өзім сабақта қолданып жүрген сергіту сәтіне арналған тақпақтарды ұсынып отырмын.

Мынау- менің отбасым.
Танысыңдар, достарым.
Мынау- әкем, бұл шешем,
Інім, әпкем және мен.
Менің халім тамаша,
Сіздікі де тамаша!
Сенің халің жақсы ма?
Оның халі жақсы ма?
Барлығы да тамаша!

Оң қолымды көтерем,
Оң қолымды түсірем,
Сол қолымды көтерем.
Сол қолымды түсірем.
Оңға қараймын,
Аяқты топ-топ басамын,
Солға қараймын.
Біраз сергіп аламын.

Оң қолымда бес саусақ,
Сол қолымда бес саусақ,
Қосып едім екеуін,
Болып шықты он саусақ.

Шешем менің — дәрігер,
Адамдарды ол емдер.
Әкем менің – инженер,
Қаламызды көркейтер.
Ойыншықтар бар сенде,
Ойыншықтар бар менде.
Ат пен доп бар Есенде,
Қуыршақ бар Әселде.

Бір, екі, үш,
Сан үйрену күш.
Үш, төрт, бес,
Санай біл тез.

Кітап жатыр сөмкеде,
Қалам жатыр үстелде.
Дәптер жатыр партада,
Бәрі- бәрі орнында.

Бәрі оянады
Күн, күн, күн.
Бәрі ұйықтайды
Түн, түн, түн.

Бірінші күн- дүйсенбі
Екінші күн – сейсенбі
Үшінші күн – сәрсенбі
Төртінші күн — бейсенбі
Бесінші күн — жұма
Алтыншы күн- сенбі
Жетінші күн- жексенбі.

Ал балалар, тұрайық,
Алақанды ұрайық.
Оңға қарай бұрылып,
Солға қарай бұрылып,
Бір отырып, бір тұрып,
Бой сергітіп алайық.

Ақмарал, мектепке бар,
Оқу құралдарын ал:
Кітап, қалам, өшіргіш.
Қарындаш, дәптер, сызғыш.

жүктеу

Қарағанды қаласы
«№81 жалпы білім беретін орта мектебі» КММ
Қазақ тілі мұғалімі Шәкәрімова Гүлдана Қуатқызы

Қарап көріңіз 👇

kz | Тақпақтар

Автор: ZHARAR

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру