Менің Отаным – Қазақстан

Отан – елдің анасы, Ел – ердің анасы.
Кең байтақ сан ғасырлық тарихы бар біздің отанымыз – Қазақстан. Қазақстанды отаным дейтін себебім, бұл жерде ата бабаларымыз тұрған енді сол жерде біз тұрамыз. Әрбір адал адам отанын сүйеді, отан үшін отқа да түседі. Адам жүрексіз өмір сүре алмайтыны сияқты, отансыз да өмір сүре алмайды,- деп ойлаймын. «Отансыз адам, ормансыз бұлбұл» деген қазақтың мақалы осының дәлелі.
Қазақстан көп ғасырлық тарихы мен мәдениеті бар ұлы мемлекет. Әрбір қазақ - жері үшін, елі үшін тайсалмай жаулардан өз жерін қорғаған. Қаншама атақты ақын жыраулар, қазақ жерінің табиғатының шексіз сұлулығын, байлығын және халқының батырлығын жырлады десеңізші.Ал бүгінгі Қазақстан талай ғасырлар бойы ата-бабам аңсаған тәуелсіз мемлекет, тұғыры биік, көк туы көк аспанда желбіреген егеменді ел. Бірақ осы күнге жету үшін біздің халқымыз қаншама қиын қыстау кезеңдерді бастан өткізді десеңізші. Қаншама жылдар бойы Қазақстан тәуелсіздігін алуға тырысты.
Тәуелсіздігімізге әрбір қазақтың мақтанышы шексіз. Осы тәуелсіздікті алғаннан бері Қазақстан Республикасы қарқынды дамып көптеген өзгерістер болды. Қазақ елі әлемге таныла бастады. Қазақстан экономикасында білім, денсаулық салаларында және шет елдермен дипломатиялық қарым қатынастар, сонымен қатар сауда саттық мықты дамуда. Ел басының саясаты жүзеге асып, отанымызда көптеген игі істер, алға қойған мақсаттар, шексіз армандар орындалып жатыр. Осының барлығы отанымыз үшін үлкен бақыт емес пе? Мен Отанымды мақтан етемін. Отаным, елім, жерім, ата-анам және өзім үшін білімімді жетілдіріп, болашақта аянбай еңбек етемін. Отанымды шексіз сүйемін! Отаныма деген махаббатым мәңгілік!