Қолғабыс

Менің кішкентай жеті жасар інім бар. Оның аты – Арман. Ол өзі еңбекқор, белсенді, әрқашан көмектесуге дайын тұрады. Арман үлкенге – құрмет, кішіге ізет көрсетеді. Ол әркез жазғы демалысты ауылда өткізеді. Оның келгеніне атасы мен әжесі қатты қуанады. Тіпті атасы мен әжесінің қолы ұзарғандай болады. Арман оларға үй шаруашылығына көмектеседі: бақша суарады, шөп шабады, дүкенге барып келеді, ауланы тазалайды, үй құстарына жем береді. Өзі бір шаршап, шалдығуды білмейді. Ата-әжесінің айтқанын екі етпей, көмегі тигеніне қуанады. Атасы оған риза болып: «Міне, менің арыстаным, нағыз қолғабысым» деп оны мақтайды. Атасы мен әжесіне көмегі тигеніне Арман да риза.