Өлең - сөздің патшасы. Абай Құнанбайұлы «Лай суға май бітпес қой өткенге». Қазақ әдебиеті, 10 сынып, дидактикалық материал. 2-сабақ.

Абайды оқы, таңырқа...

• Қазақтың бас ақыны – Абай Құнанбаев. Онан асқан бұрынғы — соңғы заманда қазақ даласында біз білетін ақын болған жоқ. 

А.Байтұрсынов

• Абай деген – терең теңіз, алып мұхит. Абайды таныған сайын, оның түбіне маржандарын алу үшін сүңги беруің керек, сүңги беруің керек. Мен одан шөмішпен ғана қалқып алдым. М.Әуезов
• Абай – қазақ әдебиетінің классигі.

Қ.Жұбанов

• Қараңғы заманда шырақ жаққан шамшырақ. 

М.Дулатов

• Шын хакім, сөзің асыл, баға жетпес...

М.Жұмабаев

Әдеби эссе түрлері

• Әдеби-талдау эссені туындыға талдау жасай отырып жазады.
• Әдеби-сыни эсседе автор көзқарасына, автор бейнесіне, автор үлесіне сыни көзқарасын, пікірін білдіріп жазады.
• Әдеби-дәлелдеме эсседе ұстанымын көрсете отырып, аргументтер арқылы дәлелдеп жазады.
• Әдеби-салыстырмалы эсседе туындыны басқа туындымен және сол туындыдағы кейіпкерлерді, оқиға жайларын салыстыра отырып, талдап жазады.