М.Мақатаев «Аққулар ұйықтағанда» поэмасы. Қазақ әдебиеті, 8 сынып, дидактикалық материал. 25-сабақ.

Қызығушылықты ояту

Сұрағы қандай?

• Суретке қарап, сұрақтар құрастырыңыз. Сұрақтарыңыз мәтін идеясын ашуға бағытталсын.
• Құрастырған сұрақтар негізінде «Аққу көлі» тақырыбында шағын әңгіме құрастырыңыз.

1-тапсырма.

• Бейнематериалда берілген ақпаратты тыңдаңыз;
• «Сұрақтар жаңбыры» әдісі бойынша сұрақтарға жауап беріңіз.

2-тапсырма.

«ДЖИГСО» әдісі

1-қадам. Мәтін бөліктеріне сай топ мүшелерінің әрқайсысы тапсырмаларды бөліп алады:

Тау басына біткен сұлу көл –

1. Қалай біткен мына көл тау басына?

2. Жетім көл жетімсірейді.

3. Аққулар айдынына оралмады.

Ауру бала немесе шарасыз отбасы –

1. Жас сәбидің науқасқа шалдығуы.

2. Тәуіп шалдың айтқан ойы.

3. Ананың шешімі.

4. Ұйықтап жатқан аққуды атуы.

5. Жетім көлден сән кетті

Бақташы қарт. Шарасыз ана –

1. Көзінен жас, көңілінен мұң төгілген зарлы ана.

2. Халық ырымы. Аққуды атқан оңбайды.

3. Өліп жатқан бала, шарасыз ана.

4. Қасиет.Қасірет.

Аққулар - Аңыз көп қой олар жайлы.

2-қадам. Сараптау топтарына қайта бөлінеді (1-бөлікпен жұмыс жасағандар бір топқа, 2- бөлікпен жұмыс жасағандар екінші топқа, т.с.с.).

3-қадам. Сараптау тобында өздері оқып шыққан үзіндіге талқылау жасайды, топ мүшелеріне түсінікті етіп жеткізудің жолдарын белгілейді.

4-қадам. Өз топтарына барып, сараптау тобында талқылап келген тапсырмасын түсіндіреді, өзара сұрақтар қояды.

3-тапсырма.

«Еркін жазу» әдісі

• Берілген теориялық ұғыммен танысыңыз;
• Теориялық ұғымның талқылаған сюжеттік желілермен байланысатын тұстарын табыңыз;
• Жетім көлдің атынан шығармаға 1-жақта монолог түрінде экспозиция жазыңыз.