Иондық байланыс 1-сабақ (Химия, 10 сынып, I тоқсан)

Пән: Химия
Ұзақ мерзімді жоспар бөлімі:
Сабақ тақырыбы: Иондық байланыс 1-сабақ
Осы сабақта қол жеткізілетін оқу мақсаттары (оқу бағдарламасына сілтеме): 10.1.4.8 иондық байланыстың қарама-қарсы зарядталған иондардың электростатикалық тартылуы нәтижесінде түзілетіндігін түсіну;
10.1.4.9 ионды байланысты қосылыстар үшін «нүктелер мен айқыштар» диаграммасын құрастыру;
Сабақ мақсаттары: - «Ион» терминінің мағынасын біледі және түсінеді;
- Иондық байланыстың не екенің біледі;
- Иондық байланыстың түзілу механизмін түсінеді;
- Иондық байланысқа нақты мысалдар келтіре алады;
- Иондық байланысты нүктелер мен айқыштар диаграммасы көмегімен сала алады;

Ұйымдастыру кезеңі.
Оқушылармен сәлемдесу. Сыныптың сабаққа дайындығын тексеру.
Оқушыларға бүгінгі сабақта алдыңғы сабақта берілген үй тапсырмаларын қаншалықты меңгергенің тексеріп, онда жіберілген кемшіліктермен жұмыс істеу мақсатында үй тапсырмалары сұралады.
Оқушылардан бірқатар сұрақтарға жауап беруді сұрау арқылы ауызша
талқылау/әңгімелесу жүргізіледі, қажет жерлерінде жазбаша түрде де сұралады.

Оқушылардан сұралатын сұрақтар мен тапсырмалар:
І деңгейлі тапсырмалар (білу мен түсіну):
1. Электртерістілік (ЭТ) ұғымын қалай түсінесіздер?
2. «Нүктелер мен айқыштар» диаграммасы дегенде нені түсінесіз? Нақты мысал арқылы түсіндіріңіз.

ІІ деңгейлі тапсырмалар (қолдану):
1. Ковалентті полюссіз, содан кейін полюсті байланыстың ерекшелігін нақты мысалдармен көрсетіңіз («Нүктелер мен айқыштар» диаграммасы арқылы).
2. Ковалентті полюсті және полюссіз байланыс түріне 2-3 заттың формулаларынан мысалдар келтіріңіздер.
3. Аммиак пен метан молекуласы үшін «Нүктелер мен айқыштар» диаграммасын құрыңыздар.

(f) Оқушылардан талқыланған сұрақтарды түсіндіруін сұраңыз және оның дұрыстығына көз жеткізіңіз.
«Миға шабуыл» стратегиясы. Оқу мақсатына алып келетін іс-әрекет.

Натрий – белсенді металл, сумен, оттекпен өте жылдам әрекеттеседі, оны керосиннің астында сақтайды. Хлор – жасыл-сары түсті улы газ. Екеуіде ас дайындауда пайдалануға жарамайды.
Біз күнделікті тамаққа пайдаланып жүрген ас тұзы - натрий және хлор элементтерінен тұрады. Неліктен біз натрий хлоридің белгілі мөлшерін ас дайындауда пайдалана аламыз?

Атом - ē→ Катион

Ионға айналу сызба-нұсқасы: Na0 -1e → Na +

Атом + ē→ Анион

Ионға айналу сызба-нұсқасы:
Cl0+ 1e → Cl-

Бүгінгі сабақтың оқу мақсаты:
10.1.4.8 иондық байланыстың қарама-қарсы зарядталған иондардың электростатикалық тартылуы нәтижесінде түзілетіндігін түсіну;
10.1.4.9 ионды байланысты қосылыстар үшін «нүктелер мен айқыштар» диаграммасын құрастыру;
Осы жоғарыдағы оқу мақсатына жету жолында қандай іс-әрекеттер жасау мүмкіндігі оқушылардан сұралып, бірлесе отырып сабақтың мақсаттары анықталады (мүмкін болатын сабақтың мақсаттары):
- «Ион» терминінің мағынасын біледі және түсінеді;
- Иондық байланыстың не екенің біледі;
- Иондық байланыстың түзілу механизмін түсінеді;
- Иондық байланысқа нақты мысалдар келтіре алады;
- Иондық байланысты нүктелер мен айқыштар диаграммасы көмегімен сала алады;

Бұл жоғарыда көрсетілген оқу мақсаттары мұғалімнің ұсынған нұсқасы, оқушылар тарапынан айтылған идеялар да мұқият ескеріледі. Тыңдалынады. Ортаға тасталған барлық идеялар ескеріп, ең ұтымды нұсқасы таңдалынып тақтаға флипчарт қағазында жазылады немесе тақтаға жазылады. Оқушыларға осы критерийлер бойынша сабақ өтілетіні ескертіледі және сабақ барысында осы критерийлерді басшылыққа алу ұсынылады.

Сабақтың тақырыбы:
Иондық байланыс
(W) Оқушылардан натрий хлориді үшін «Нүктелер мен айқыштар» диаграммасын салуды сұраңыз ұсыныңыз. Иондық және коваленттік байланыстың түзілуінің арасындағы айырмашылықты талқылаңыз.
Ресурспен жұмыс
ҚОСЫМША №1

(f ) (F) Оқушылардан иондық байланыстың түзілу механизмін түсіндіруді және ақырындап күрделендіре отырып, өз мысалдарын келтіруді сұраңыз.

Оқушылар мұғалім тарапынан берілген жаттығуларды орындайды.


Қалыптастырушы бағалау
1. Иондық қосылыстарды белгілеңіз:
FeCl2, NaOH, NH3, K2O, CH4, CO2, AlI3, CuCl2, Na2S, MgCl2, SO2, RbCl, H2O
2. Иондық қосылыстың түзілуінің механизімін түсіндіріңіз
3. Кальций гидроксидіндегі иондық байланыстың түзілу механизмінің сызба-нұсқасын келтіріңіз......