Процессор және оның сипаттамалары 1-сабақ (Информатика, 8 сынып, I тоқсан)

Пән: Информатика
Ұзақ мерзімді жоспар бөлімі: Компьютер мен желілердің техникалық сипаттамалары
Сабақ тақырыбы: Процессор және оның сипаттамалары 1-сабақ
Осы сабақта қол жеткізілетін оқу мақсаттары (оқу бағдарламасына сілтеме): 8.1.1.1 қарапайым деңгейінде процессордың қызметін және оның негізгі сипаттамасын түсіндіру
Сабақ мақсаты: процессордың қызметін және оның негізгі сипаттамасын оқып үйрену.

1. Негізгі түсініктерді жандандыру. Топтық жұмыс.
Оқушыларды 3 топқа бөлу. Оқушыларға қағазға компьютер құрылғыларының атауларын жазуды сұрайды. Содан кейін әрбір құрылғының қызметін оқушылармен бірге бірігіп талқылайды. Сабақтың тақырыбын және мақсатын анықтау үшін сұрақ қояды.
Сұрақ: Компьютер құрылғыларының ішіндегі ең маңызды құрылғына атаңыз және ол туралы не білесіз? (Процессор жайлы)

Құндылықтар – еңбек және шығармашылық, сыйластық, ынтымақтастық, өмір бойы оқу
2. Сабақ барысында қолданылатын кілттік сөздермен жұмыс.
Кестеде (Қосымша1) көрсетілген сөздерді үш тілдегі айтылулары мен жазылуларын оқушылармен бірге қарастырады.
Қажет сөздерді дәптерге жазып алады.
3. Негізгі түсініктерді жандандыру. Ұжымдық жұмыс. Сұраққа жауап беру
Сұрақ: Аппараттық қамтамасыз ету архитектурасы дегеніміз не?
Сұраққа жауап алғаннан кейін оқушылармен бірге жауапты талқылайды.

4. Тапсырма:
Екі сан берілген. Олардың қосындысын жіне айырмасын табыңыз және сандық түрде көрсетіңіз.
Енгізу мәліметтері: a, b

Ал егер a=6, b=5?
Тапсырма бойынша жауап алғаннан кейін келесі сұрақтарды қояды.
Сұрақтар:
1. Есептеу алдында не істейсіңдер?
2. Мәліметтерді еске сақтағаннан кейін не істейсіңдер?
3. Есептегеннен кейін не істейсіңдер?

Сұрақтарға жауап нұсқалары:
1. Еске сақтаймыз, дәптерге жазып аламыз. Демек, компьютер де енгізілетін мәлеміттерді еске сақтауы тиіс.
2. Есептейміз. Демек, компьютер де есептейді.
3. Жауабы: 11 және 1. Демек, компьютер де есептің жауабын береді.

Құндылықтар – еңбек және шығармашылық, сыйластық, ынтымақтастық, өмір бойы оқу

5. Ұжымдық жұмыс. Оқушыларға сабақтың тақырыбына сәйкес негізгі түсініктерді беретін видео көруді ұсынады. Видеоны талдауға сұрақтар
Сұрақтар:
1. Процессор неден тұрады?
2. АЛҚ (арифметикалық-логикалық құрылғы) не үшін қажет?
3. БҚ (басқару құрылғысы) не үшін қажет:
4. Басқару құрылғысын не басқарады және ол қайда орналасқан?.........