Мәтіндік, дыбыстық және бейнелік файлдар форматтары (Информатика, 7 сынып, I тоқсан)

Пән: Информатика
Ұзақ мерзімді жоспар бөлімі: Ақпаратты ұсыну және өлшеу және компьютерлік жады
Сабақ тақырыбы: Мәтіндік, дыбыстық және бейнелік файлдар форматтары
Оқу мақсаты: Файлдарды сақтау кезінде олардың әртүрлі форматтарын қолдану
Осы сабақ арқылы жүзеге асатын оқу мақсаттары: Файлдарды сақтау кезінде олардың әртүрлі мәтіндік, дыбыстық және бейнелік форматтарын қолдану.

Қызығушылықты ояту
Сыныппен жұмыс
Сабаққа кіріспе жасау үшін оқушыларға келесі сұрақтарды қойыңыз:
1) Сіздер кез келген программалау қамтамасыздандыруды сатып алған кезде қандай файлды іздейсіз? (программаны орнату нұсқауы)
2) Нұсқаудың ішінде қандай мәліметтер болады? (егер программа қарапайым болса, онда мәтін түрінде бірнеше пункт болады немесе суреттер ретінде қадам бойынша орнатылуы көрсетілуі мүмкін)
3) Берілген нұсқауларды қандай мәтіндік редакторларда жасауға болады?
Бұл сұрақтар сабаққа кіріспе ретінде берілген. Осы сұрақтарға жауап берген кезде оқушылардың сыни тұрғысынан ойлау қабілеттері дамийды және жаңа тақырыпты қабылдауға дайын болады.
Берілген екі нұсқау түрлерін салыстырады, оларды құру программалалау қамтамасыздандыруды таңдап, сәйкес келетін форматтарды атайды. Форматтарды дәптерге жазады.
Топтық жұмыс
Әртүрлі жағдайларды беріп, сәйкесінше келетін файлдардың түрлерін анықтауды сұраңыз. А4 форматты қағазға мысал келтіріп, файлдың аты мен форматын анықтауды талап етіңіз. Форматтарды салыстыруды сұраңыз: ғаламторға жүктеу үшін немесе жоғары сапалы файлдар қажет болса, т.б.
Белсенділік кезеңінде оқушылар бір-бірімен жұмыс істеуге үйренеді және сыласу деңгейлерін арттырады. Сонымен қатар, сыни тұрғысынан ойлау қабілеттерін дамытады.

Берілген жағдайға файлдардың түрін анықтап, дәлелдер келтіреді. Мысал келтіреді.
Өзіндік жұмыс:
Суреттер енгізілген мәтінді файл құруды сұраңыз. Алдын ала тақырыптарды дайындап қойыңыз, мысалы құрт немесе қымыз өніміне жарнама.
Дифференциация ретінде:
1 деңгей: тек мәтін (2-3 сөйлем). Мәтінді форматтау қажет.
2 деңгей: мәтінге бір сурет жүктелген.
3 деңгей: WordArt элементтерін қосу немесе басқа мүмкіндіктерін қолдану (кесте, SmartArt.....).
1. Мәтіннің мазмұны тақырыпқа сай;
2. Мәтін 5-6 сөйлемнен тұрады;
3. Мәтін форматталған: шрифт көлемі, түсі, жуандығы анықталған;
4. Мәтіндегі жолдардың ара-қашықтығы көрсетілген;
5. Файл сәйкес келетін форматта сақталған.
Қосымша:
6. Мәтінге сурет енгізілген және оның көлемі мәтінге сай анықталған;
7. WordArt немесе кесте, SmartArt нысандары қосылған.
Өзара бағалауды ұйымдастырыңыз.
Осы тапсырманы орындау кезеңінде оқушылардың қолдану қаблеттері дамийды, себебі олар компьютерде неше түрлі құжаттар құрады. Құру барысында мәтіндік редакторлардың көптеген мүмкіндіктерін қарастырады. Бұл жерде дифференциацияланған тапсырмалар берілген, яғни әрбір оқушы өзіне лайықты тапсырма таңдай алады. Қиыншылықтар туған кезде тарататын сүйелеу материалдар дайындаңыз..........