Құжаттағы суреттеме 1-сабақ (Информатика, 4 сынып, I тоқсан)

Пән: Информатика
Ұзақ мерзімді жоспар бөлімі: Мәтінмен жұмыс
Сабақ тақырыбы: Құжаттағы суреттеме 1-сабақ
Оқу мақсаты: • 4.2.1.2 мәтіндік құжатқа суреттер, сәндік мәтін кірістіру (WordArt)
• 4.1.2.2 файлдар мен бумаларды құру, жою және орнын ауыстыру
Сабақ мақсаты: • файл мен бумаларды құру алгоритмін сипаттау
• файл мен бумаларға орындауға болатын түрлі әрекеттерді сипаттау
• құжатқа суретті орналастыру (коллекциядан, файлдан, аралық сақтағыш арқылы).

(С) Зерделенген материалды оқушыларға қайталатыңыз.
(С) Оқушыларға «Мақта қыз бен мысық» ертегісінен үзінді ұсыныңыз, оқушылар кезекпен үзіндіні оқып шығуы қажет.
(С) Оқушыларға ашық сұрақ қойыңыз: Ертегі кейіпкерлерінің қандай қасиеттері мысықтың құйрығын қайтарып алуға көмектесті?
Сабақ тақырыбы қандай?
(Т) Сабақ тақырыбын, оқу мақсатын, бағалау критерийлерін, кілттік сөздерді жариялаңыз.
(С) Сабақты адамдардың іс-әрекеттері бейнеленген суреттерінен бастаңыз. Оқушыларға оң және теріс моральдық қасиеттерді анықтатқызыңыз.

Зерделенген материалды қайталау
(Ж, Қ) Оқушыларға бума құрып және оның ішіне файлдарды (мәтіндік және графикалық) көшіруді орындатыңыз. Оқушылар тапсырманы орындау үшін алгоритмді құруға бағытталған тәжірибелік жұмыс мәселісінің тұжырымдамасымен жұмыс жасатқызыңыз.

(С, К) Оқушыларға бейнематериалды көріп, сұрақтарға жауап бергізіңіз.
1. Суреттерді не үшін орнатамыз?
2. Суреттерді қайда орната аламыз?
3. Суреттерді қалай орната аламыз?
4. Суреттерді қалай кішірейте аламыз?
5. Суреттерді не үшін кішірейтеміз?

(Т, С, К) Оқушылар суретті мәтіндік редакторға орнату алгоритмін дәптерге жазып алсын..

(С) Оқушыларды топқа бөліңіз.

(Т, Қ) Топтарға тапсырманы орындатыңыз. Берілген суреттерді мағынасы бойынша мәтіндік құжатқа орналастырғызыңыз.
(Т, Қ) Жұмыстарды бағалатыңыз.

(Э) Суреттердің өлшемін өзгерткізіңіз, оны мәтіннің ортасына, басына, соңына орналастыртыңыз, Оқушылар суретке қатысты мәтіннің орналасуын тұжырымдасын.

(Ж, Қ) Оқушылардан сабақ барысында не жеңіл болғанын, не қиындық тудырғанын сұраңыз.

(Т, Қ) Оқушылар оқу мақсатын еске түсірсін. Слайдта бағалау критерийлерін көрсетіңіз және оқушылардан суретте өздерінің қайда екендерін көрсетуді сұраңыз.

(Б) Оқушылардың жұмыстарын бағалаңыз.
Оқушыларға «Кім жылдам?» ойынын ойнауды ұсыныңыз.
Озат оқушыларға сыни ойлауды дамытуға арналған тапсырмаларды қолданыңыз..........