Мәтінді теру және өңдеу 2-сабақ (Информатика, 3 сынып, I тоқсан)

Пән: Информатика
Ұзақ мерзімді жоспар бөлімі: Сөз артында сөз (ортақ тақырып: «Жақсы деген не, жаман деген не?»)
Сабақтың тақырыбы: Мәтінді теру және өңдеу 2-сабақ
Осы сабақ арқылы жүзеге асатың оқу мақсаттары (оқу бағдарламасына сілтеме): 3.2.1.1. мәтіндік редакторда қарапайым сөйлемдерді теруді жүзеге асыру;
3.1.2.1 компьютерлік программалар қолданушының міндеттерін шешу үшін қажет екенін түсіндіру;
3.1.2.2 компьютерлік программаларда файлдарды ашу және сақтау командаларын пайдалан
Сабақтың мақсаттары: Оқушылар...
• мәтіндік редактордың қызметін түсіндіреді;
• мәтіндік редакторды іске қосады;
• компьютерлік мәтінді өңдейді;
• арнайы батырмаларды қолданады;
• құжатты сақтайды.

Сәлеметсіз бе. Бүгін және әрқашан мен сізді көруге қуаныштымын. Бір-бірімізге күлімсірейміз, көршіңізге махаббатқа, мейірімділіке толы жағымды ақпарат айтамыз. Мысалы: Әсем сен әдемісің, Болат сен батырсың.

Проблемалық сұрақ
Оқушыларды ой қозғау арқылы тақырыпқа әкелу.

Оқушыларға баспалау машинасын көрсетіп интербелсенді тақтаға шығару:
- Мына құрылғаны кім біледі? (жазу машинкасы)
- Бұл құрылғы не үшін қажет?
Оқушыларға жазу машинкасы туралы ақпарат беріп және оның қызметің айтыңыз. (Мәтінді қағаз бетіне басып шығару)

Мақсатты тұжырымдау
Оқушылар пайымдау арқылы сабақтың мақсаты мен тақырыбын тұжырымдайды. Оқушыларға бағалау критерийлерінің тізімін беріңіз.
Миға шабуыл
Қазіргі заманда баспа машинасы қолданылмайды, оның орнын компьютерлер басты.
1. Компьютердің қандай құрылғысы арқылы мәтін тереміз?
2. Ағылшын тілінде «сөз» қалай аталады?

Мұғалімнің түсіндіруі
- Қолжазбаны және компьютерде терген жазбаны салыстырайық.
- Дәптерлеріңізге қате жібергенде не істейсіз, естерінізге түсіріндерші. (оқушылар екі мәтінді салыстыру арқылы жауап береді)

Қорытындылаймын: сіз қатені түзетесіз, бірақ қанша ұқыпты түзетсеңізде іздері байқалады. Неғұрлым түзетулер көп болса, соғұрлым қолжазбалық мәтін әдемі емес болып көрінеді. Ал компьютерде жазған мәтінге түзетулерді қажет болғанша бірнеше рет жасай аласыз және ешқандай түзету білінбейді. Қолжазба мен мәтінді жазу кезінде сөздерді ауыстыруға болмайды, ал компьютер мәтінінде сөздерді және тіпті сөйлемдерді ауыстыра аласыз. Компьютердің көмегімен мәтінге бірнеше рет өзгерістер енгізуге болады. Мәтіннің соңғы нұсқасы компьютердің жадында сақталады және кез-келген уақытта арнайы принтер арқылы басып шығарылуы мүмкін.

- Редакторды іске қосу
- Мәтінді теру үшін оған арнайы бір программа қажет (Мәтіндік редактор)
Мәтіндік редактор дегеніміз ақпартты өңдеп пішімдеуге мүмкіндік беретін программа.
Компьютердің мәтін теретін көптеген программалары бар. Ең күшті мәтіндік редатордың бірі - Word. Біз Microsoft Word редакторымен жұмыс жасаймыз. Оны іске қосу үшін: ПУСК-ПРОГРАММЫ-Microsoft office-Microsoft Word арқылы, сондай ақ бума немесе жұмыс столына мәнмәтіндік мәзір арқылы (тінтуірдің он жақ пернесін щертіп) Мәнмәтіндік мәзір- Құру- Word құжаты.
Редактор терезесінің скриншотын оқушыларға таратып береді. Мұғалім редактор терезесін түсіндірген кезде оқушылар кеспе қағазына жазып отырады. Осы кеспе қағазын кейін оқушылар өз дәптерлеріне жабыстырып қояды..........