Көлеңке театрын қалай жасайды? 2-сабақ (Жаратылыстану, 3 сынып, IV тоқсан)

Пән: Жаратылыстану
Ұзақ мерзімді жоспар бөлімі: Табиғат физикасы. Жарық, дыбыс, электрлік, магниттілік.
Сабақтың тақырыбы: Көлеңке театрын қалай жасайды? 2-сабақ
Оқу мақсаты: 3.5.2.2 денелердің жарықты шағылдыру қасиетін түсіндіру
3.1.2.3 экспериментті жоспарлау және жүргізу
Сабақтың мақсаты: Оқушылар:
көлеңке жасау әдістерімен танысады;
қолдан әртүрлі бейнелер жасап, көлеңке театрын көрсетеді;

Ұйымдастыру.
Тақтаға сөздер жазу. Берілген сөздер арқылы сабақ тақырыбын ашу.
Сөздер: экран, шымылдық, жарық, декорация, кейіпкер, сұлба
Сабақтың тақырыбы мен мақсатымен таныстыру.
Сабақ тақырыбы: Көлеңке театрын қалай жасайды?
Мақсаты: көлеңке жасау әдістерімен танысу;
қолдан әртүрлі бейнелер жасап, көлеңке театрын көрсету;

1. «Көлеңке театры»
Оқушыларды топтарға бөлу.
Оқулықтағы суретті пайдаланып, сұрақтарға жауап алу:
- Заттың көлеңкесі қай кезде пайда болады?
- Неге көлеңке заттың артында пайда болады?
- Қандай заттар көлеңке түсіреді?
- Жарықтың қандай қасиеті көлеңкенің пайда болуын қамтамасыз етеді?
2. «Хайуанат бағы»
Сыныпты қараңғылау. Бірнеше үстел шамын немесе қолшамдарды қосып, қабырғаға бағыттау. Оқулықтағы суреттерді пайдалана отырып, қандай жағдайда көлеңкенің сұлбасы анық көрінетінін анықтау. Жануарлар бейнесінің көлеңкесін суретке қарап жасау. Әр топтың қорытындысын тыңдау:
- Қай жануардың бейнесін жасау қиын болды?
- Қай жануардың бейнесін тез әрі жылдам орындауға болады?
- Бейнелер қандай жағдайда айқын, анық көрінеді?
3. Зертте. Сыныпты үлкен 2-3 топқа бөлу. Қажетті құралдар: суреттер бейнеленген қара түсті қатты қағаз парақтары, таяқшалар, скотч, қайшы. Қатты қағазда бейнеленген сұлбаларды қию, таяқшаларға скотчпен бекіту. Мүсіндер көлеңкесінің сұлбасы экраннан қандай қашықтықта тұрғанда анық көрінетінін анықтау үшін шам, не қолшам қосу.
Зерттеу нәтижесін анықтау үшін қойылатын сұрақтар:
- Көлеңке заттың пішініне байланысты ма?
- Бір заттың көлеңкесі әртүрлі пішінді болуы мүмкін бе?
Жұмыс соңында әр топ қандай мүсін жасағандарын, қалай жасағандарын, өз қорытындыларын айтады........