Мао Цзэдун мен Дэн Сяопин Қытайды қалай өзгертті? (Дүниежүзі тарихы, 9 сынып, IV тоқсан)

Пән: Дүниежүзі тарихы
Ұзақ мерзімді жоспар бөлімі: Азияның ХХ ғасырдың екінші жартысындағы даму ерекшеліктері.
Сабақтың тақырыбы: Мао Цзэдун мен Дэн Сяопин Қытайды қалай өзгертті?
Осы сабақта қол жеткізілуге тиісті оқыту мақсаттары (оқу бағдарламасына сілтеме): 9.4.1.4. себеп-салдарлық байланыстарды аша отырып, социалистік шаруашылық жүргізу жүйесінің дамуындағы қарама-қайшылықтарды анықтау;
9.3.1.3. мемлекеттің тарихи дамуының заңдылықтарын анықтау;
9.3.1.4. тұлғаның тарихтағы рөлін бағалау;
Сабақтың мақсаттары: Оқушыларды ХХ ғасырдың екінші жартысындағы негізгі оқиғалармен таныстыру, өзгеруі мен сабақтастығын анықтау.
Мұғалім сабақтың басында Мао Цзэдун мен Дэн Сяопиннің портреттерін көрсетіп, сұрақтарға жауап берулерін сұрайды:
Портреттен кімді көріп тұрсыздар? Бұл тарихи тұлғалар туралы не білесіздер?
Сұрақтарға жауаптарды талқылай отырып, оқушылар сабақ тақырыбын, оқыту мақсаттары мен бағалау критерийлерін өз беттерімен анықтайды.
Бейнежазбамен жұмыс. Бейнежазба көрсетілер алдындамұғалім оқушыларды 5 топқа бөледі.
Тапсырма:
Бейнежазбаны мұқият тыңдап шығып, ұсынылған кезең бойынша менталды картаны құрыңыз.
1 топ – 1949 – 1952 жж. кезеңді зерттейді.
2 топ - 1953 – 1957 жж. кезеңді зерттейді.
3 топ – 1958 -1960 жж. кезеңді зерттейді.
4 топ – 1961 -1965 жж. кезеңді зерттейді.
5 топ – 1966 -1976 жж. кезеңді зерттейді.
Дескрипторлар:
1. Зерттелетін кезеңнің кем дегенде 2 негізгі тарихи оқиғасын анықтайды.
2. Өзінің көзқарасын дәлелдеу үшін дәйектер келтіре алады

Оқушылардың жұмыстарын таныстыру
Талқылауға арналған сұрақтар:
Қытай социализмінің ерекшеліктері неде?
Қытайда 1970-ші жылдардың аяғына дейін қандай социализм тұрғызылды?
Қытайлық қайта құрудың себептері мен мәні неде?

Дэн Сяопиннің нақыл сөзінің мағынасын түсіндіріңіз
"Мысықтың түсі қандай болғаны маңызды емес – бастысы, тышқан ұстаса болғаны"
Дескрипторлар:
1. Дэн Сяопиннің қытай тарихындағы рөліне баға береді
2. Кемінде 2 дәйек келтіреді
Оқиғалардың дұрыс ретін анықтаңыз:
1. Қытайда билік басына коммунистердің келуі
2. Прагматикалық реформалар
3. «Қарқынды алға басу» саясатының іске аспай қалуы
4. «Мәдени революция»
5. Қытайдың қарқынды дамып келе жатқан мемлекетке айналуы
6. Елді жаңғыртудағы ұмтылыстар....