Қатені табу және түзету Ә. Ысқабай «Тайғақта» (4 сынып, III тоқсан)

Пән: Әдебиеттік оқу
Ұзақ мерзімді жоспар бөлімі: Табиғат құбылыстары
Сабақ тақырыбы: Қатені табу және түзету Ә. Ысқабай «Тайғақта»
Оқу мақсаттары: 4.1.1.1 шығарманың маңызды тұстарын анықтау үшін ашық сұрақтар қою және жауап беру
4.2.1.1 шығарманы дауыстап түсініп/ рөлге бөліп/ мәнерлеп/ теріп оқу
4.3.4.1 мұғалімнің көмегімен шығарманың құрылымын, стилін жетілдіру, өз бетінше орфографиялық, пунктуациялық қателерді табу және түзету
Сабақ мақсаттары: Барлық оқушылар мәтінді түсініп оқиды, мазмұны бойынша сұрақтарға жауап береді, мұғалімнің көмегімен шығармадан қателерді табады, түзетеді.
Көптеген оқушылар: шығармның маңызды тұстарын анықтауға сұрақтар құрастырады, және оған жауап береді, шығарманың құрылымын ажыратады, орфографиялық, пунктуациялық қателерді нұсқау бойынша табады және түзете алады
Кейбір оқушылар: шығарманың маңызды тұстарын ашық сұрақтар қою және жауап беру арқылы анықтайды, өз бетінше шығарманың құрылымын, стилін ажыратады, орфографиялық, пунктуациялық қателерді табады және түзете алады.
Сабақтың басы
Ширату жаттығуы
(Ұ, МК)
«Заряд алу» жаттығуы
Оқушылардың барлығы шеңберге тұрып, қолдарынан ұстап, көздерін жұмады. Бастапқы бастаушы қолды 1 рет қысады, екінші айналымда 2 рет қысады, соңында 3 рет қысады. Шеңбер бойындағы тұрған оқушылар саны аяқталғанша қолдарын қысу ретімен жалғаса береді. Жаттығу бастапқы бастаушыға жеткенде тоқтайды. Бастаушыға қанша заряд жібергені қайта оралып керек.
Оқу мақсатын хабарлау.
- Мақсатымыз, мәтіннің тақырыбы мен негізгі ойы, құрылымын анықтап, өз бетінше орфографиялық, пунктуациялық қателерді тауып және түзетіп үйрену.
Сынып бөлмесіне бірқатар бекеттер қойылу керек. Әр бекетте белгілі дереккөзімен жұмыс жасау ұсынылады.
Оқушылармен бағалау критерийін қарастыру немесе таныстыру.
Сабақтың ортасы
1-тапсырма
(МК, Ө, Ж) Оқушылар тобына «Ашық микрофон» әдісі арқылы Ә.Ысқабай «Тайғақта» әңгімесін оқып, талдау жүргізу ұсынылады. Танысқан шығарманың тақырыбы және қорытынды бөлімі негізінде сюжеттің дамуын болжауға, оның себебін түсіндіруге ұсынылады. Сұрақтар үлгісі:
1. Асқардың немесе Жекеннің орнында болсаңдар қалай істер едіңдер?
2. Тайғақта Жекен мен Асқардың жолында тағы қарт адам кезіксе оқиға қалай болар екен?
3. Өмірде осындай жағдайлар болуы мүмкін бе?
Әр топтан бір оқушыдан қолдарына микрофон ұстап, өткен шығармаға байланысты қарсы топқа сұрақ қояды, қарсы топтан кез-келген оқушы жауап береді. Оқушылар жылдам әрі тұжырымды ойлауға дағдылананды. Құнды ой жинақталып, ойын ашық айта алады.
Саралау: Қолдауды қажет ететін оқушыларға сюжеттің дамуын болжауға бағытталған үлгі сұрақтарды алдын ала дайындап қоюға болады.
(Б) Бағдаршам көздері арқылы бағалау.
қызыл = түсінген жоқпын
сары = әлі де дайындық қажет
жасыл = барлығы түсінікті
2-тапсырма
(Т, МК) Әр оқушыға шығарманы өз бетінше сын тұрғысынан бағалау үшін «Эссе» жазу ұсынылады. Оқылған шығарма бойынша оқушылар өз ойларына талдау жасай алады. Шығармашыл тұрғыдан ойлана алады.
(ЖЖ; ОТ) Оқушылар жазған эсселерін ұсынылған критерийлер бойынша жұптасып бағалау жүргізеді.
Критерийлер үлгісі:
- тақырыптарды жақсы түсінгендігін көрсетеді;
- берілген мәтіннің ойын анықтайды;
-шығармадағы оқиғаны сыни тұрғыдан бағалайды; - мәтінде пунктерінің графикалық рәсімделу нормаларын сақтайды;
- орфографиялық және сөйлеу қателіктерін жібермей жазады.
Саралау. Диалог және қолдау көрсету тәсілі арқылы ұжымның ішінде сұрақтар құрастыруда немес жауап беруде қолдауды қажет ететін оқушыға сөзбен қолдау көрсетіледі.
(Б) «Түрлі түсті жиектер» әдісі
Оқушылар жазба жұмысын орындау барысында дәптер жиегіне түрлі түсті қарындашпен белгі салып отырады. Мағынасы: «қызыл – тексеріп, барлық қателерін түзетіңізші», «жасыл – барлық қателерді белгілеңізші, мен барлығын өзім түзетемін», «көк – қате санын көрсетіңізші, мен өзім тауып түзетемін», «қара – бұл жұмысқа баса назар аудармаңыз, мен оны асығыс орындадым» және т.б.
Сергіту сәті. Тик-Так әні. Әннің сүйемелдеуімен қимыл-қозғалысты жаттығулар орындау.
3-тапсырма
(МК, Ө, Ж) «Шатасқан оқиғалар» әдісі
Оқушыларға Ә.Ысқабайдың «Тайғақта» әңгімесі бойынша орны ауысқан оқиғаларды тауып, түзету тапсырылады. Оқушылар бір-екіге санап жұпқа бөлінеді. Әр жұпқа оқиға реті шатасып жазылған парақтар таратылады. Берілген парақшалардағы тарихи оқиғаларды жұптарымен бірлесе отырып, ойланады, түзетіп, ретімен қойып шығады, себебін түсіндіреді.
Кесте үлгісі:
Айналайын, дәу жігіт бол, кішіпейілділігіне мың да бір аналық рахметімді айтамын, - деп алғысы жаудырды да, әрі қарай ілбіп басып, өзі жүріп кетті.
Түнде қарлы жаңбыр жауған. Жол көк тайғақ.
Шыныдағы сүтінің құтысы сынып, ішіндегі сүті төгіліп жатыр.
Асқар құлап жатқан қарт ананы қолтығынан демеп тұрғызды.
Жекен қызарып, қабағы түсіп кетті.
Саралау: Қарқын тәсілі арқылы. Қарқыны жылдам кейбір оқушыларға мазмұны бойынша қосымша кейіпкердің мінезіне баға беруді тапсыруға болады. Біршама уақытты талап ететін оқушыларға тапсырма терең түсіндіріледі.
(Б) «От шашу» әдісімен бағалау.....