Дос - ажарың жолдас - базарың (7 сынып, II тоқсан )

Пән: Қазақ тілі
Бөлімнің тақырыбы: Сүйіспеншілік пен достық
Сабақтың тақырыбы: Дос - ажарың, жолдас - базарың.
Осы сабақ арқылы жүзеге асатын оқу мақсаттары: ӘТН 3.Фразеологизм, мақал-мәтелдердің эмоционалды мәнін, көркемдік ерекшеліктерін түсініп қолдану.
Сабақтың мақсаттары: Фразеологизмдерді, мақал-мәтелдердің мағынасын түсініп, айтылым мен жазылым кезінде қолдана алады.
Сабақ барысы:
Оқушыларға сөзжұмбақ шешу ұсынылады. Шешімімен бүгінгі сабақтың тақырыбы ашылады.
Сабақтың тақырыбымен, мақсатымен танысып, жетістік критерийлері оқушылармен бірге жасалынады.
Тыңдалымалды тапсырма:
Ж. Айжанованың орындауындағы «Достарым» әнін тыңдап, мәтінде кездесетін тұрақты тіркес, бейнелі сөздерді дәптерлеріңе теріп жазыңдар. (Жеке жұмыс)
Тыңдалым тапсырмасы:
1.Әнді тыңдаған кезде қандай көңіл-күйде болдың, әннің көңіл-күйі қандай? Бұл көңіл-күйді жеткізуге авторға не көмек беріп тұр? (Жұптық жұмыс)
2.Осы әндегі көңіл-күйді жеткізу үшін сен қандай мақал-мәтелдер мен тұрақты тіркестер пайдаланар едің? (оқушыларға дайын мақал-мәтелдер мен тұрақты тіркестер беріледі) Жұпта талқылап, өз ойларымен бөліседі. Дескрипторлар:
1. Тыңдалым кезінде мәтіннен тұрақты тіркестер мен бейнелі сөздерді теріп жаза алады;
2. Әннің көңіл-күйі мен өзінің көңіл күйін сипаттай алады;
3. Әннің көңіл-күйін жеткізу үшін мақал-мәтелдер мен тұрақты тіркестерді пайдалана алады;
Тыңдалымнан кейінгі тапсырма:
Досыңа хат жаз. Жазылым кезінде өлеңнен жазып алған тұрақты тіркестер мен бейнелі сөздеріңді және ресурста ұсынылған мақал-мәтелдерді қолданып, ойыңды әсерлі жеткіз. Хаттың құрлымын сақта. (Жеке жұмыс)
Хаттың құрылымы:
1.Адресант сәлемдесу түрін анықтауы қажет.(Хат жолдаушының жасын, әлеуметтік жағдайы мен қарым-қатынасын есепке алуы керек.)
2.Жазу барысында:
а) хат жолдаушының өзіне, қызметіне қызығушылық тудыратын тәсілді анықтау.
б) Мазмұнды баяндауды анықтау.
в) Қорытынды жасау.
г) Авторға тілек айту.
д) керек болған жағдайда "P.S" белгілеу (посткритум-хатта үлгермеген хабарлаулар)
е) Хаттың безендірілу мәдениетіне көңіл аудару (күні, қолы, сауаттылығы, тазалығы, қағаздың сапасы).
«Автор орындығы» стратегиясы арқылы оқушылар хаттарын оқып, бір-бірлерін бағалау жүреді.
«Автор орындығына» кез келген оқушыны шығаруға болады.
Дескрипторлар:
1. Хат жаза алады;
2. Хаттың құрылымын сақтай алады;
3. Хат жазған кезде тіркестер мен мақал-мәтелдерді орынды қолдана алады......