Астананың бойтұмары – «Бәйтерек» (2-нұсқа) (6 сынып, II тоқсан )

Пән: қазақ тілі
Ұзақ мерзімді жоспар бөлімі: Астана – мәдениет пен өнер ордасы
Сабақтың тақырыбы: Астананың бойтұмары – «Бәйтерек» (2-нұсқа)
Осы сабақта қол жеткізілетін оқу мақсаттары: (оқу бағдарламасына сілтеме)6.1.4.1 – мәтіннің құрылымдық ерекшелігіне назар аудара отырып, жетекші сұрақтар арқылы негізгі ойды анықтау.
6.4.3.1. неологизм, термин, диалект сөз, кәсіби сөздердің қолданыс аясын түсіну және ажырата білу
Сабақтың мақсаттары: Мәтіннің құрылымдық ерекшелігін ескеріп сұрақтар қою арқылы негізгі ойды анықтайды, термин сөздердің қолданылатын орындарын біледі.
Сабақ барысы: Қызығушылығын ояту
Тапсырма сыныппен орындалады.
Оқушыларға «Бәйтерек» сөзіне ассоциация жасау тапсырылады.
Мұғалім оқушылармен бірге тұмар сөзінің мағынасын ашып, әр оқушының пікірін ескеріп жауаптарын қорытындылайды және сабақтың тақырыбын хабарлайды: «Астананың бойтұмарыс - «Бәйтерек». Сабақ мақсатымен таныстырады. Оқушылар мен мұғалім бірлесе отырып, сабақтың бағалау критерийлерін әзірлейді.
Мұғалім оқушыларды өз қалаулары бойынша топқа бөледі. Яғни оқушыларға өз қалаулары бойынша отыруға мүмкіндік береді (қалаулары бойынша топқа бөлу).
Оқылым алды тапсырма
сөз мағынасы
дүниетаным
ат басын тіреу
бой көтерген
танымал
ұлттық бренд
Оқылым тапсырмасы
«Өрмекші» әдісі
Жұмыс алгоритмі:
• Оқушылар алдымен мәтінді түсініп оқиды.
• Постерге өрмекшінің сұлбасын салады.
• Өрмекшінің басына тақырыпты, денесіне өзекті ойларды, аяқтарына тірек сөздер арқылы шешу жолдарын жазып, өз ойларын тиянақтап пысықтайды.
• Әр топ сынып алдында постерлерін қорғайды.
Оқылымнан кейінгі тапсырма
1-тапсырма
«Зымыран сұрақтар» тапсырмасын сыныппен орындайды. Мұғалім интерактив тақтадан (немесе қағаздан өзі дауыстап) сұрақтарды оқиды. Оқушылар жылдам жауап берулері тиіс, себебі тапсырманың зымыран аталуы да оқушыдан шапшаңдықты талап еткендіктен қойылған.
«Зымыран сұрақтар»
- Мәтін қандай тақырыпқа берілген?
- Негізгі ой қандай сөздер арқылы анықтауға болады?
- Нысанның сызба жобасын жасаған кім?
- Ғимарат неше бөліктен тұрады?
- Бәйтерек монументін тұрғызу идеясын ұсынған кім?
2-тапсырма жеке орындалады.
Тапсырманың шарты:
- ә мәтініне бір абзац жалғап, өз ойын қосып жазады.
- мәтіннен терминдерді табады, қандай термин екені айтады: математикалық, құрылыс, т.б.
Дескриптор:
- сұраққа жауап береді;
- абзацқа тақырып қояды;
- негізгі ойын анықтайды, талдайды;
- кем дегенде үш термин атайды.
Өзара бағалау
«Серпілген сауал» әдісін қолданып, оқушылар бір-бірінің жұмыстары туралы сұрақ қою/жауап беру арқылы өзара бағалау жасайды.
- ... (оқушының аты) жауабы туралы не ойлайсың?
- ... (оқушының аты) ...ның (оқушының аты) жауабын кеңейту үшін оны қалай дамытуға болады?
- ... (оқушының аты) естігендеріңнің барлығын бір жауапқа қалай біріктіруге болады?....