Бабалар мұрасы Ұршық (5 сынып, IV тоқсан )

Пән: Қазақ тілі
Ұзақ мерзімді жоспар бөлімі: Ғасырлар қойнауынан
Сабақ тақырыбы: Бабалар мұрасы. Ұршық
Осы сабақта қол жеткізілетін оқу мақсаттары: (оқу бағдарламасына сілтеме) 5.1.4.1 тақырып бойынша дәлелдер келтіре отырып, өз ойын түйіндеп айту
5.2.3.1 мәтін мазмұны бойынша себеп-салдарын анықтауға және шешім табуға негізделген сұрақтар қою және жауап беру.
Сабақ мақсаттары:
• тақырып бойынша дәлелдер келтіре отырып, өз ойын түйіндеп айту.
• мәтін мазмұны бойынша себеп-салдарын анықтауға және шешім табуға негізделген сұрақтар қою және жауап беру.
Сабақ барысы:
Бұл суреттен не көріп отырсыңдар?
Олар туралы не айта аласыңдар?
Жұмбақ (жұмбақтағы қай сөздер көмектесті)
Зыр қағады дөңгелеп,
Бас жағында қалпағы.
Белiнде өспей әңгелек,
Басылмайды тарпаңы.
Ұ Р Ш Ы Қ
(Ж.ж.) Осы сөздің әр әріпіне әжеге тән қасиеттерді жазыңдар.
Ұ- Ұқыпты, ұйымшыл
Р- Рақымды
Ш- Шыншыл, шыдамды
Ы- Ырымшыл
Қ- Қамқор, қайырымды
Мәтінмен таныстыру.
Ұршық
Әжеміз қартайды. Бірақ соның өзінде қусырып қарап отыра алмайды. Ауылдағы ағайындарға келім-кетім адамдардан сәлем жолдап, түйенің шудасын, ешкінің түбітін алдырып тұрады. Күн көзі ашы, жайма шуақ күндері немерелерін жанына жинап алып, түбітті қылшығынан тазартады, жүн түтеді.
Қойдың майы, шүйкенің шуашы сіңіп, әбден күстенген көне ұршықты суретші келіні қырнап-қырнап, сырлап-сырлап, содан кейін үстінен лак жүргізген. Енді көрсең, көздің жауын алады. Қысқа көйлекті, ұзын сирақты немер қызы сияқты өзінің. Немере демекші...
- Қара! Қара! – деді үш-төрт жасар немере қызы. – Аумаған балерина! Башпайының ұшында тұрып шыр айналады. Билеп жүр!
- Екеуіңдікі де дұрыс,- деді әжесі. – Дәлірек айтар болсақ, билеп жүріп шаруасын тындыруда. Шын көңілмен, шын ықыласпен істеген жұмыс қана сапалы болады. Еңбекті қуаныш деп түсінетін адам ешқашанда қартаймайды. Біреуден бірдеңе үйрену керек болса, алдымен мен осы Ұршықтан үйренер едім!
Мазмұнын түсінгенін тексеру мақсатында «Иә, жоқ» ойыны.
* Әже қартайып еш нәрсе жасамайтын болды. (Жоқ)
* Келім-кетім адамдардан түйенің сүтін, ешкінің етін алдырып тұрады. (Жоқ)
* Немерелерімен бірге жүн түтеді. (Иә)
* Биші келіні ұршықты сәндеді. (Жоқ)
* Ұршық балеринаға ұқсайды. (Иә)
* Шын көңілмен істелген жұмыс қана сапалы болады. (Иә)
* Ұршықтан көп нәрсе үйренуге болады. (Иә)
Сергіту сәті.
(Т.ж.) Сендер өздеріңнен кейінгі ұрпаққа нені мұра етіп қалдырар едіңдер? (постер жасап жұмыстарын қорғау)
Үй тапсырмасы: «Шын көңілмен істеген жұмыс қана сапалы болады» - деген әженің сөзімен келісесіңдер ме? Өз пікіріңді жаз......