Драма/сахналық қойылым (2 сынып, III тоқсан )

Пән: Қазақ тілі
Ұзақ мерзімді жоспар бөлімі: Саяхат
Сабақ тақырыбы: Драма/сахналық қойылым
Осы сабақта қол жеткізілетін оқу мақсаттары: (оқу бағдарламасына сілтеме) 2.2.3.2 дайын жоспар бойынша немесе өз сөзімен мазмұндау/ үзіндісін мазмұндау/сахналау
Сабақ мақсаттары: Мәтінді мазмұндай білуге, сахналық қойылым түрінде көрсете білуге дағдылану.
Сабақ барысы: (Ұ) Ұйымдастыру кезеңі
Мақсаты: оқушылардың қызығушылығын арттыра отыру, сыни ойлауын дамыту, сабақтың тақырыбын анықтау.
Оқушылар шеңбер құрып тұрады. Бір оқушыдан ортаға шығып өзерінің ұнайтын ертегі кейіпкерін көрсету керек. Қалғандары оны анықтайды.
- Балалар, біз жаңа не істедік?
- біздің өтіп жатқан бөлім қалай аталады?
-ендеше, бүгінгі сабағымыздың тақырыбы не туралы болмақ?
Сабақтың тақырыбы мен мақсатын анықтау.
Бағалау критерийлерін шығару.
(Ұ, МК)Қызығушылықты ояту.
Мақсаты: Оқушылардың қызығушылығын арттыру, адамгершілік құндылықтарға баулу.
Ертегі халық шығармасы, халық мұрасы. Ертегі арқылы біз жақсы мен жаманды, ақымақ пен дананы айырып, армандауға, қиялдауға үйренсек, ой-өрісіміз де кеңеймек. Бүгін біздер халықтың асыл қазынасы ертегілер еліне саяхат жасамақпыз.
- Ал, сіздер ертегілер еліне саяхатқа шығуға дайынсыздар ма?! (Оқушылар: иә!)
Олай болса, барлығымыз жұмыла тыңдайық. Мен сендерге өте қызықты ертегі айтып берейін.
... Ерте, ерте, ертеде, ешкі жүні келтеде, көркі мінезіне сай, өзі батыр, әрі ержүрек бір жігіт болыпты. Ол бір күні ұйықтап жатып түсінде айдай сұлу бір қызды көреді. Оған құлай сүйе ғашық болыпты. Ұйқысынан тұра сала жігіт қызды іздеуге жолға шығады.
Жолда жігіт бір құсты көріп, оған барлық түсін баяндап, қызға жететін жолды көрсетуді сұрайды. Құс оған жолды көрсету үшін тапсырма орындау керектігін айтады.
- Ал, сіздер жігітке көмектесуге қалай қалайсыздыр?
(Оқушылар өздерінің келісетінін айтады)
- Ендеше, бәріңе сәттілік!
(Т) І – тапсырма: «Кім тапқыр?»
Мақсаты: оқушылардың әртістік қабілеттерін жетілдіру, ұжыммен жұмыс істей білуге, сыни ойлауға дағдыландыру.
Әрбір топқа ертегі атаулары жазылған қима қағаздар таратылып беріледі. Олар келесі топтарға ертегіден үзіндіні жұмбақтап, сахналық көрініс көрсетеді. Келесі топ ертегінің атын табу арқылы сол топтың атын анықтайды.
• «Қызыл телпек»
• «Жеті лақ»
• «Бауырсақ»
(Т) 2-тапсырма: «Жалғасын тап» ойыны.
Мақсаты: Берілген уақыт ішінде, ертегі мазмұнына сәйкес ойды жалғастыру дағдыларын дамыту.
Әрбір топ өзара ойласа отырып, ертегінің белгілі бір бөлігін келесі топтарға айтады. Басқа топтар тез арада жасырылған ертегіні әрі қарай жалғастырып, ертегінің атауын табу керек.
Дұрыс әрі толық жауап берген топтар ауызша түрде бағаланады.
(Т) 3-тапсырма: «Кім білгір?»
Мақсаты: оқушылардың сыни ойлауын дамыту, шапшаңдыққа баулу.
Әрбір топқа сөздер жазылған қима қағаздар таратылып беріледі. Оқушылар сөздерден қажеттісін таңдай отырып, ертегі атауын құрастыру керек.
1- топ: «Неге , қанаты, айдаһар, айыр, құйрығы, тау, қарлығыштың, ?» /«Қарлығаштың құйрығы неге айыр?»
2- топ: «Тоқпақ, оқтау, соқ, ұр, ата»/«Ұр, тоқпақ»
3- топ: «Күшік, аңшы, мысық, қасық, тамақ»/ «Күшік пен мысық».
4- топ: «Ата, шал, раушан, жантақ, қаңбақ»/ «Қаңбақ шал».
Топтар «Галерея» әдісі бойынша құрастырған ертегі атауларын бір – бірімен алмасады.
Әрбір топ ертегінің тақырыбы бойынша кейіпкерлерін жазу керек.
 «Қарлығаштың құйрығы неге айыр?»
(бала, дәуіт, қарлығаш, маса, айдаһар)
 «Ұр, тоқпақ»
(шал, кемпір, қойшы, қазбай, түйеші, балалар)
 «Күшік пен мысық»
(күшік, қасқыр, мысық)
 «Қаңбақ шал»
(Дәу, шал, кемпір)
/«Галерея» әдісінің екінші ауысымында кейіпкерлермен толықтырылған ақпаратты қажеттілігіне қарай толықтырады, түзетулер енгізіледі, «Смайликтер» арқылы бағалайды/.
(Ұ, Ө) 4 - тапсырма: «Сиқырлы дорба»
Мақсаты: суреттер бойынша ертегінің тақырыбын, кейіпкерлерін анықтау.
Сәнделген қорап немес дорбаға ертегінің сюжеттік суреттері салынады. Оқушылар кезекпен шығып, таңдаған суреттің қандай ертегі үзіндісі екенін және оның кейіпкерлерін атауы керек.
«Жыл басына таласқан хайуанаттар»
«Ақымақ қасқыр»
«Алдар көсе», т.б......