Ою сыры №9 сабақ (3 сынып, III тоқсан, 5 бөлім)

Пән: Қазақ тілі Т2
Ұзақ мерзімді жоспар бөлімі: Өнер
Сабақ тақырыбы: Ою сыры №9 сабақ
Осы сабақта қол жеткізілетін оқу мақсаттары :
3.3 Мәтіннің жанрлары мен түрлерін анықтау
3.3.3.1 мәтіннің жанрын (әңгіме, тұрмыс-салт жырлары, бата, мақал-мәтелдер) ажырату, әңгімелеу/сипат тау мәтінін анықтау
Сабақ мақсаттары:
• Оқыған мәтіннің мазмұнын түсіну
• Мәтіннің жанрын анықтау
Барлық оқушылар: оқыған мәтіннің мазмұнын түсінеді, мұғалімнің көмегімен мәтіннің жанрын, жанрлық ерекшеліктерін анықтайды.
Көптеген оқушылар: мәтін мазмұнын қысқаша әңгімелейді, мәтіннің жанрын, жанрлық ерекшеліктерін анықтайды.
Кейбір оқушылар: тақырыпқа қатысты өз ойын айтады.
Сабақ барысы: Ертеңгілік шеңбер
Мен достарыма не тілеймін?
Мен достарымның ..... болғанын қалаймын. Шеңберде тұрған оқушылар үлгі бойынша бір тілектен айтып шығады.
Үй тапсырмасын тексеру
Қалаулары бойынша бірнеше оқушы, бүгінгі өнері туралы тапқан ақпараттарымен бөліседі. (Фельтинг, гжель өнері туралы).
Оқушылар пікір айту арқылы бағалайды.
Сабақтың мақсатымен таныстыру
• Оқыған мәтіннің мазмұнын түсінемін.
• Мәтіннің жанрын, жанрлық ерекшелігін анықтаймын.
(МК, Ұ) Жаңа сөзбен жұмыс.
Жаңа сөздерді суретті сөздік арқылы меңгерту
Ою, бұрын, сандық
Құс қанаты оюы, ою салу,оюдың түрі
Бұрын болған, бұрын қолданған
Сандықтың іші, сандыққа салу, үлкен сандық
Тіл дамыту сұрақтары:
• Мына оюлар неге ұқсайды?
• Мұндай оюларды қайдан көрдіңдер?
Ықтимал жауаптар:
Құс қанаты- ұшып келе жатқан құстың қанатына ұқсайды,
қошқар мүйіз – қойдың мүйізіне ұқсайды
гүл- гүлге ұқсайды.
Оюларды сандықта,ұлттық киімде,көрпе-жастықта, кілем, ыдыстарда болады.
Оюшы - ою оятын, салатын адам
(Т) Оқылым. Деңгейлері әртүрлі оқушыларды топтастыру (дифференциация).
Топтар өздеріне берілген тапсырманы орындайды:
 мәтіндерді оқиды
 қысқаша мазмұнын айтады
 жанрын анықтайды
 жанрлық ерекшелігін түсіндіреді
Дескриптор:
• Мазмұнын қысқаша айтады.
• Мәтіннің жанрын, жанрлық ерекшеліктерін анықтайды.
• Мәтіннің идеясын анықтайды.
Топтарға жанрлық ерекшелікті көрсететін сөздер мен сөз орамдары ұсынылады. Оқушылар солардың ішінен өзіне берілген жанрға қатыстыларын іріктеп алып, дәлелдеу барысында қолданады.
Оқылым мәтіндері
*****
Жанар кішкентай кезінен әсемдікке жақын болады. Әсіресе түрлі оюларға қызықты. Оның әжесі ауылдағы атақты оюшы болған. Барлық бұйымдарға ою салады. Әжесі немересіне ою жасауды үйретті. Жанар әжесінің айтқанын орындады. Ол өнерді үйреніп алды. Жанар да атақты оюшы болды.
*****
Көрші әжей өнерлі,
Барып тұрам күнде мен.
Құрмет тұтып шеберді
Ою өрнек үйренем.
Оюларға сүйеніп,
Қайран қалып тұрасың.
Көре білсең түсініп,
Одан көп сыр ұғасың.
******
• Өнерліден үйрен, өнерсізден жирен
• Өнерлі бала –елдің көркі
Топтар жұмыстарын орындап болған, жұмыстарын сыныпқа ұсынады. Топтар дескриптор бойынша бағалайды.
Кері байланыс. «Смайликтер» арқылы тапсырма бойынша кері байланыс жасайды.
- тапсырманы дұрыс орындадым, қате жоқ
- тапсырманы орындауда қателер болды.
- тапсырманы орындау қиын болды......