Cәбит Мұқанов (Ақынға)

28.05.2014

Пролетар ақыны -
Әскер-солдат.
Туған халқы бақытқа тартқанда, андап,
Қаламын қолына ала,
Бірге аттанбай
Іркіліп жолда олар,
Қалай қалмақ?
Ал, ақындар,
Қиял, ой, шешен тілді,
Кәне, жұмса,
барыңды аттан қолға ап.

Өлең,
Сұлу сөздерің
Табыңа азық.
Жетістік,
Қайрат,
Жоспар
Ісін жазып,
Өзің де, сылдыр сөзбен қарап қалма,
Тілге шебер,
Іске осал болма,
Нәзік.
Тіл,
Қол,
Бұлшық еттерің
Істе түгел
Қимылдасын,
Осалша қалмай қажып.
Социалистік құрылыс,-
Ұлы сарай,
Соған өз қолыңменен
Қағыс қазық.

Қарап көріңіз 👇

kz | Өлеңдер

Автор: ZHARAR

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру