Түнгі тергелу - Дүйсенәлі Әлімақын

Күз жылатты бақтағы гүлді әдемі,
Қандай сиқыр байлаған мұнда мені?!
"Әй, бала, жалғызсың ба?", – деді мезгіл,
Қателесті, қасымда түн бар еді.

Мен күлдім, қарсы алдымда айнам күлді.
Бетіме әкеп басады тайған нұрды.
"Ғашықсың ба?", – деп сұрады жапырақтар,
– Япыр-ай, әулие ме, қайдан білді?

Көз алдымда құбылып түнгі сурет,
Арғымағы үміттің жүр кісінеп.
– "Бүгін қайда барасың?", – деді жолдар,
Сен жаққа барарымды білгісі кеп.

Түн үнсіз... Жоқ, айналам дүбірлі елдей,
Барады жымысқы жыл сырын бермей.
"Әй, ит-ай, сүйесің ғой", – деді желдер,
"Иә", – дедім басқа сөзге тілім келмей.

---

Қажетті сілтемелер:

• Дүйсенәлі Әлімақын барлық өлеңдері

• Парадокс - Дүйсенәлі Әлімақын

• Театр - Дүйсенәлі Әлімақын

• Біз - Дүйсенәлі Әлімақын

• Үштағандар - Дүйсенәлі Әлімақын

Қарап көріңіз 👇