Қайрат Нұртастың анасы арбаға таңылған бүлдіршіннің тұсауын кесті (фото)

Гүлзира Айдарбекова 4 жастағы арбаға таңылған Даяна есімді бүлдіршіннің алғаш рет қадам басқанына куә болды. Ол емхананың бас дәрігері мен ата-анасының өтініші бойынша Даянаның тұсауын кесті.

Бұл туралы Stan.kz хабарлайды.

“Жамбыл мен Мұратбаев көшелерінің қиылысында “Мақсат” клиникасында арбаға таңылған Даяна есімді 4 жастағы қыз емделіп, бірінші рет қадам басты. Емхананың бас дарігері және ата-анасының өтініші бойынша тұсауын өзім кесіп, балапанға қуаныш сыйлай алғаныма шексіз қуандым. Осы емханадан арбасын тастап, өмірге қадам басқан 76-шы балапан екен. Не деген куаныш десеңші, сол жердегі қуанышқа толы сезімімді сөзбен айтып жеткізе алмаймын. Бүгін емханаға тағы бардым, қолыңыз жеңіл екен, жақсы жүріп кетті деп медбикелер қуанып жатыр”, – дейді Гүлзира Айдарбекова Instagram парақшасында.

Қайраттың анасы Даянаның ата-анасына сыйға апарған сырт киімдерінің де оларға құйып қойғандай шақ келгенін, Даянаға ұл бала екен деп ойыншық көлік апарғанын айтады.

Гүлзира Айдарбекова барлық бүлдіршіндер тезірек жүріп кетуіне тілектестік білдірген.