Қадір түні қашан болады және оны қалай өткізу керек?

2019 жылы 6 мамырда басталатын және 4 маусымда аяқталатын мұсылмандардың қасиетті Рамазан айының соңғы күндерінде ерекше түн болады.

Ежелгі заманнан бері бұл кезең барлық мұсылмандар үшін ең маңызды болып саналады.

Бұл қасиетті Қадір түні Рамазан айының соңғы 10 күніне, яғни 27-ші күнге түседі. Ал 2019 жылы Қадір түні 31 мамырдан 1 маусымға қараған түнге келіп тұр. Дегенмен, оның нақты қай түн екенін тек Жаратушы ғана біледі.

Қадір түні қалай өтуі керек?

Мұсылмандар Жаратушының мейіріміне бөлену үшін, Ләйләт-ул-Қадір түнінде не істеуі керек? Рамазанның басқа күндеріндегідей, олар күніне екі рет қана тамақтануы керек. Дәстүр бойынша тамақтанудың ең жақсы уақыты – таңның атуы мен күн батқаннан кейінгі бірінші сағат.

Ал тамақты бірнеше құрма мен бір-екі жұтым су ішуден бастау керек. Сондай-ақ, тағамдар жеңіл болуы қажет және онда көкөністер мен жемісдердің болғаны жөн. Оразаны тек жүкті немесе бала емізетін әйелдер, сондай-ақ кәмелетке толмағандар мен ақыл-ойы шектеулі адамдарға ғана ұстамауға рұқсат етілген. Сонымен қатар, бұл кезде темекі шегуге, тіпті кальянға да тыйым салынады және күндіз жыныстық жақындыққа, кез келген түрдегі ойын-сауыққа баруға болмайды.

Қасиетті тағзым түні діндар адамдар Құран оқуы керек. Бұл түні мұсылмандардың көпшілігінің мешітке келіп, Аллаға дұға етіп, осы қасиетті кітапты оқуы кездейсоқтық емес. Егер Құранның әр оқылған беті үшін басқа уақытта бір сауап және Рамазан айында оннан мыңға дейін сауап берілсе, ал Ләйләт-ул Қадір түнінде – 30 мың сауапқа дейін беріледі.



Айта кетейік, биылғы Рамазан айында берілетін пітір-садақаның көлемі - 300 теңге. Бұл туралы Қазақстан мұсылмандары діни басқармасы мәлімдеген болатын.