Айгүл Иманбаева бұдан былай әртіске тұрмысқа шықпаймын деп уәде берді

Актриса Айгүл Иманбаева алғашқы некесінен сабақ алса керек, өнер саласында жүрген ер азаматтарға жігіт ретінде қарай алмайтынын жеткізді деп хабарлайды NUR.KZ.

Бұл туралы актрисаның КТК арнасындағы “Инсталайық” бағдарламасына берген сұхбатынан белгілі болды.

"Әртіс жігіттер, ренжімеңіздер, Бәрін өзімнің інім, бауырым, досым ретінде жақсы көремін, бірақ жігіт ретінде емес", - деп кесіп айтты ол.

Еске сала кетсек, Айгүл Иманбаева танымал актер Сәбит Әбдіхалықовтың бірінші жары. Олардың ортақ бір ұлы бар. Осы күнге дейін актриса ешкіммен отаспады. Ал екінші рет Алтынай Жорабаеваға үйленген актер ақыры онымен де ажырасып тынды.