Болат Назарбаевтың жары туған күнін дүркіретіп өткізді

Болат Назарбаевтың жары туған күнінде гүл шоқтарының астында қалды деп хабарлайды NUR.KZ.

Гүлнұр Назарбаева өзінің Instagram парақшасында туған күн кешінен суреттер жариялады. Түн ауа Гүлнұр ханымды туған-туыстары мен жақын достары туған күнімен құттықтап келген.



«Түнгі 00.00. Менің алтындай туғандарым мен достарым керемет сыйлық жасады», - деп жазды ол парақшасында.



Сыйлықтардың арасында көздің жауын алатын тәттілер, гүл шоқтарымен қатар Гүлнұр ханымның портреті де бар.

Гүлнұр Назарбаеваны құттықтаушылардың қатарында әншілер де көзге түсті.

«Аса құрметті Гүлеке жеңеше! Туған күніңізбен! Болат ағамызбен бақытты, берекелі, қайырлы ғұмыр кешкейсіздер. Қыздарыңыздың қызығына тоймай гүлдей жайнап жүре беріңіз», - деп құттықтайды белгілі әнші Нұржан Керменбаев.



Танымал әнші Әйгерім Қалаубаева да құттықтаудан қалыс қалған жоқ. «Гүлнұржан, жекеменшік мереке құтты болсын! Жақсылық атаулының барлығы жаныңыздан табылсын!», - деп ақ ниетін білдіреді әнші.