Суық, аяз, боран, дауыл туралы

12.05.2020

Қар жауды деп қуанба,
Артынан аязы болар.
Қожа келді деп қуанба,
Артынан ниязы болар.

Аяз болады, бұлт болады,
Өткен күндер ұмыт болады.

Қарны ашқанға ас салғызба,
Суыққа тонғанға от жаққызба.

Жылыда жинақталмаған,
Суықта қымтала алмайды.

Құдай суықты сырт киіміне қарай жібереді.

Қар суық па,
Қайғың суық па?

Боранды күні бала құтырар,
Желді күні ит құтырар.

Торлаған бұлтты боран қашырар.

Баянсыз өмір өтті боран, желдей,
Фәнилік басып алды аққан селдей.

Борай-борай қар жауса,
Бұ боран атты өлтірер.
Аз кісіні көп кісі
Жаман да болса, біреуіне келтірер.

Дауылды күні құс салма,
Жауынды күні жылқы алма.

Дауылдың алды — жел,
Жаңбырдың арты — сел.

Жел дауыл шақырады,
Бұлт жауын шақырады.

Ұстамен жақын болсаң,
Мүйiз кесерiн аларсың,
Қайықшымен жақын болсаң,
Дауыл күнi кемесiн суға саларсың.

Сырнаймен дауыл жасамақ.

Қарап көріңіз 👇

kz | Мақал-мәтелдер

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру