Тон

12.05.2020

Ананың салған жолы бар,
Ананың тіккен тоны бар.

Ескі тонның жылуы жоқ,
Қайтқан күннің қызуы жоқ.

Кеңеспен кескен тон келте болмас.

Орамал тонға жарамаса да,
Жолға жарайды.

Тоны жаманды ит қабар,
Көңілі жаманды құдай табар.

Жаман тонның биті ащы,
Жаман кісінің тілі ащы.

Тойға барсаң тойып бар,
Торқа тоның киіп бар.

Кеңеспен пішкен киім кең де болмайды, кем де болмайды.

Кеңес қылған ел азбас,
Кеңінен пішкен тон тозбас.

Жанын берсе де,
Жабағы тонын бермейді.

Ақырған аюдың ала тонын сатпа.

Әкенің тоны шақ келсе,
Әкені бала жоқтамас.

Көлеңкеге қарап тон пішпейді.

Жаманның тонын кисең,
Тойда даулайды.

Жалды болса – ат,
Жағалы болса – тон.

Ақкөңілдің аты арымас, тоны тозбас,
Кең болса, келе болмас.

Ат аяған ат мінер,
Тон аяған тон киер.

Ат мінбеген ат мінсе, шаба-шаба өлтірер,
Тон кимеген тон кисе, қаға-қаға тоздырар.

Ата көрген жол пішер,
Ана көрген тон пішер.

Атаның тоны балаға жараса,
Ол атасын іздемейді.

Қарап көріңіз 👇

kz | Мақал-мәтелдер

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру