Тәлім, тәрбие, үлгі, өнеге

12.05.2020

Көргені жоқ көріктіден,
Тәлім көрген текті артық.

Тәрбие - тәлімнен.

Ғалым тәлімін өзінен бастасын.

Қызым келіннен ғибрат алып өседі,
Ұлым елімнен ғибрат алып өседі.

Қамшыға бүлдіргі
Балаға үлгі керек.

Бас тұмақтың үлгiсi.

Тәрбиелі адам — тағалы атпен тең.

Баланы жастан,
Келінді бастан тәрбиеле!

Тәрбиелі кісі —
Қант қосқан жармадай,
Тәрбиесіз кісі —
Шаң боратқан арбадай.

Жаста берген тәрбие —
Жас қайыңды игендей.

Бала тәрбиесі басынан, еңбекке баулу жасынан.

Наданды тәрбиелеп адам ете алмайсың.

Тәрбиесін тапса адам болар, оқуын тапса білім қонар.

Тәрбиесіз адамнан
Үйретілген айуан артық.

Берер Тәңір талап қылсаң,
Не табарсың қарап тұрсаң.
Мұратқа тез жетерсің,
Оқығанды сабақ қылсаң.
Күніне бес ойлағанды тамақ қылсаң.

Шайтанға сабақ үйреткен.

Алған сабағың біреу болсын, тоқуы мың болсын.

Бір елі ауызға —
Екі елі қақпақ.

Жақсы адамның жасын сұрама,
Жақсы аттың тісін қарама.

Көн қатса, қалпына барады.
Көпке түскен іс анығына барады.

Жасыңда көндігерсің,
Көндігерсің де,
Жөндігерсің.

Қарап көріңіз 👇

kz | Мақал-мәтелдер

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру