Денеден қан шықса дәрет бұзыла ма?

Ханафи мәзһабы бойынша дәрет жолдарынан тыс, дененің басқа да жерінен аққан нәжістер дәретті бұзады [Маусули, Ихтияр: 1- том, 49 бет.]. Құранда «аққан қанды» нәжіс деп айтқандықтан [Әнғам сүресі - 145 аят.], денеден шыққан қан айналасына жайылса дәретті бұзады. Бұған мына хадис дәлел:


عن تميم الداري عن رسول الله - صلى الله عليه و سلم - انه قال: "الوضوء من كل دم سائل" اخرجه الدارقطني


Сахаба Тамим әд Дәри ардақты Пайғамбарымыздан (с.ғ.с) мына хадисті риуаят етеді: «Барлық аққан (жайылған) қаннан дәрет бұзылады» [Дәруқұтни 1/157; әл Кәсәни, Бәдәиғ, 1-том, 228 -бет.].