Әлібек Смағұлов

Әлібек Смағұлов – жоғары санатты хирург

Әлібек Мұхамеджанұлы Алматы қаласындағы №4 қалалық клиникалық ауруханасы хирургия бөлімінің меңгерушісі. Хирургиялық көмекке мұқтаж емделушілерге эндовидеохирургиялық әдіс арқылы шұғыл және жоспарлы түрде ота жасайды. Бұдан өзге емделушілердің жылдам оңалып кетуіне барынша жағдай жасайды. Осы уақытқа дейін инновациялық әдістермен 2000 аса лапароскопиялық операциялар жасаған.

Дәрігер біліктілігінің арқасында мыңдаған адамдардың өмірін сақтап қалды. Мәселен, жүрегіне пышақ сұғылған емделушінің өмірін аман алып қалуы – нағыз кәсіби шеберлік. Әлібек Мұхамеджанұлы осындай диагнозбен түскен 14 адамға операция жасаса, олардың 11 ол дүниеден қайта оралды деп айтуға толық негіз бар. Бұдан өзге ол жағдайы ауыр пациенттерге операция жасап, жоғары кәсіби біліктілігінің арқасында өтке тас жиналу, ішек аурулары, бел-омыртқа ауруы сынды сырқаттарды жеңе білді.