Ерік Жолжақсынов Қалиұлы (15 мамыр 1959 жылы)

Ерік Қалиұлы Жолжақсынов (15 мамыр 1959 жылы, Шығыс Қазақстан облысы Күршім ауданы Қарақас ауылы) — танымал кино және театр актері. Қазақстанның еңбек сіңірген әртісі (1998). Астана Циркінің директоры.
Өмірбаяны
1959 жылы 15 мамырда Шығыс Қазақстан облысы, Күршім ауданы, Қарақас ауылында дүниеге келген. Әкесі — Жолжақсынов Қали, марқұм, ұжымшардың төрағасы болған. Анасы — Жолжақсынова Жазира, марқұм, мұғалім болған.
1977 жылы Луначарский атындағы Мәскеу мемлекеттік театр өнері институтын тәмәмдаған. 1982 жылы Мұхтар Әуезов атындағы Қазақ мемлекеттік академиялық драма театрында еңбек етті. 1989 жылдан бері Шә Айманов атындағы «Қазақфильм» республикалық шығармашылық-өндірістік бірлестігінің актері (қазіргі — Ш. Айманов атындағы «Қазақфильм» АҚ).
ҚазКСР Кинематографистер одағының мүшесі (1985 жылдан). ҚР Еңбек сіңірген әртісі (1998). 2005 жылдан «Нұр Отан» ХДП мүшесі.
Әскери атағы — капитан.
Отбасылық жағдайы
Үйленген. Жұбайы: актриса, ҚР еңбек сіңірген қайраткері Қымбат Тілеуова. Ұлы — Жолжақсынов Мадиар (1986 жылы туған); қыздары — Жолжақсынова Қорлан (1987 жылы туған), Жолжақсынова Айханым (2001 жылы туған).
Фильмдері
1980 — Ойлануға кеткен ай (орыс. Месяц на размышление);
1980 — Невозможные дети;
1982 — Қош бол, Медеу (орыс. До свидания, Медео);
1984 — Ақ барыстың ұрпағы (орыс. Потомок Белого Барса);
1986 — Жәбірленушілерде шағым жоқ (орыс. Потерпевшие претензий не имеют);
1986 — Махаббат сағымдары (орыс. Миражи любви);
1988 — Таудан асып (орыс. Выше гор);
1989 — Кек (орыс. Месть);
1990 — Қараңғылық әміршісі (орыс. Повелитель тьмы);
1994 — Қара балықтың іздері;
1998 — Заман-ай;
1998 — Омпа;
2000 — Чек;
2000 — Тоғысқан тағдырлар (орыс. Перекресток); сериал;
2003 — Күнә / Қасиетті күнә;
2004 — Түнгі блюз;
2005 — Көшпенділер;
2005 — Күнә;
2005 — Сағым;
2006 — Хоккайдо полициясы (орыс. Полиция Хоккайдо);
2006 — Кек;
2007 — Мангазейге жол;
2008 — Махамбет / Махамбеттің қылышы (орыс. Меч Махамбета);
2008 — Уылдырық-өмір;
2008 — Күміс (орыс. Серебро);
2009 — Прыжок афалины;
2009 — Ағайынды (орыс. Братья); сериал;
2009 — Лавэ;
2010 — Махаббат тәлкегі (орыс. Ирония любви, Қазақстан, Ресей);
2010 — Хоккайдо полициясы. Орыс бөлімі (орыс. Полиция Хоккайдо. Русский отдел); аяқталмаған;
2012 — Ведьмин ключ (Ресей);
2012 — Жаужүрек мың бала;
2012 — Испытание (Ресей).
2015 — Қазына.
Марапаттары
ҚазКСР Кинематографистер одағының мүшесі (1985);
КСРО Кинематографистер одағының мүшесі (1989);
ҚР Еңбек сіңірген әртісі (1998).
2016 жылғы президент жарлығы бойынша "Парасат" орденімен марапатталды.
2016 жылы "Қазақстан тәуелсіздігіне 25 жыл" мерекелік медалі.