Құман Тастанбеков Нұрмағанұлы (10 наурызда 1945 жылы)

Құман Нұрмағанұлы Тастанбеков (10 наурызда 1945 жылы, Қазақ КСР Алматы облысы Сарқант ауданы, Екіаша ауылы - 17 желтоқсанда 2017 жылы Қазақстан Алматы) — кино және театр актері. Қазақстанның халық әртісі (1993). Қазақстан Ленин комсомолы сыйлығының лауреаты (1976). Парасат және Құрмет ордендерінің иегері.
Өмірбаяны
1969 жылы Құрманғазы атындағы Қазақ ұлттық консерваториясының актерлік факультетін (педагогы – профессор Х.Бөкеева) бітірген.
Қазақ академиялық драма театрының құрамына қабылданды.
Оның алғаш ойнаған рөлі – “Қыз Жібек” фильміндегі Төлеген (1970). Бұдан кейін
“Қыс – мазасыз маусым”
“Ағам менің”
“Ерекше күн”
“Аққулар ұшып келеді”
“Махаббат жаңғырығы”
“Ағама арналған қалыңдық”
“Қараша қаздар қайтқанда”
“Провинциялық хикая”
“Алаң шеті”
“Өрнек”, т.б. фильмдеріне түсті.
Ол театр сахнасында
Қасым, Құлбек (Ш.Айтматов “Ана - Жер-Ана” мен “Ақ кемесі”)
Әлібек, Нарша, Абыз (М.Әуезов, “Айман - Шолпан”, “Қарагөз” бен “Еңлік-Кебек”)
Тәңірберген (Ә.Нұрпейісов, “Қан мен тер”)
Жан (О.Бөкеев, “Құлыным менің”, Қазақстан Ленин комсомолы сыйлығы, 1976)
Айдар (Әуезов пен Л.С. Соболев, “Абай”)
Маздақ (М.Шаханов, “Сенім патшалығы”)
Орест (Л.Дюрко, “Электра, сүйіктім менің”)
Флоридор (Ф.Эрве, “Түлкі бикеш”)
Фархад (Назым Хикмет, “Фархад – Шырын”), т.б. секілді әр алуан рөлдерді орындап, қызғылықты мінез-кейіптер жасады.
Марапаттары
1976 жылы Қазақстан Ленин комсомолы сыйлығының лауреаты
1982 жылы Қазақ КСРнің еңбек сіңірген артисі
1993 жылы Қазақстан Республикасының халық артисі
2001 жылы "ҚР Тәуелсіздігіне 10 жыл" медалі
2008 жылы "Құрмет ордені"
2015 жылы "ҚР коститутциясына - 20 жыл" мерекелік медалі
2016 жылы ҚР президентінің жарлығы бойынша "Парасат ордені" мен марапатталды.
2016 жылы "Қазақстан тәуелсіздігіне 25 жыл" медалі.