Тақпақтар

Отаным менің - Қазақстан,
Ыстық қой сенің топырағың.
Орманын, көлін, бау-бағың,
Қастерлеген қазағым......

Айналамда ұшып жүр,
Ақ мамық қар себелеп.
Қалт-құлт еткен бейне бір,
Ақ қанатты көбелек.

Үстіме жалп-жалп жауады,
Ақ тауықтың жүніндей.
Жайнатады даланы,
Ақ жібектің түріндей.

Күзде иіні жұтаған
Қыр көмілді ақ қарға.
Майыстырып бұтағын,
Ақ тон киді бақтар да.

Жылғалардан қақ көрдім,
Жатыр шеті шетілмей.
Дала жаңа дәптердің
Жазылмаған бетіндей.

«Мен инженер боламын,
Жерден алтын табамын.
Жолын қуам әйгілі
Академик ағаның»....

Менің анам ардақты,

Алтыннан да салмақты

Жақсы көріп баласын,

Мәпелейді анашым....

Алайда-дүлей ашулы батыр өткендей,

Түнеріп аспан жып-жылы нөсер төккендей.

Қыс бойы ұйықтап, уақыты келді оянар

Тіршілік үшін керемет кез жоқ Көктемдей!....

Әкешім ардақтым,

Еркелетеді мені

Қамқоршым менің

Қуантамын сені

Анашымды тыңдаймын

Кір жуып, үй жинаймын

Сабағымды оқимын

Кілең бестік аламын.

Көктем келді өлкеме,

Табиғатым тамаша.

Гүл қаптады бөктерді,

Нұрға толды айнала.

Ана, сен бақыттысың!

Гүлің болып өсіп келем.

Жайнап жүрші,

Күліп жүрші,

Алладан мен тілеп жүрем.