Қазақ тілі 3 сынып 3 бөлім Уақыт Көне өркениетті зерттеу ДИДАКТИКА

 Отырар – ертеден шығыс әлеміне танымал болған қала. Отырар Сырдария өзенінің бойында орналасқан. Отырар қаласы жақсы жерде орналасқан. Бұл қаланың тез өсуіне қолайлы жағдай жасаған Ұлы Жібек жолы сол қала арқылы өтті. Отырарға жан – жақтан саудагерлер келіп-кетіп жатты. Мұнда медреселер, базарлар, ұстаханалар, тіпті қонақүйлер мен мешіттер, монша, сауда дүкендері жұмыс істеген. Мықты дуалмен қоршалған қалаға кіретін бес қақпа болған. Қала билеушілері, байлар, ірі саудагерлер қаланың орталық бөлігінде тұрды. Ал сыртында қарапайым халық қоныстанды.

 Монғолдар 1219 жылы 150 мыңға жуық әскерімен Отырар қаласын басып алды. Бес ай бойы жауға берілмей шайқасқан Отырарлықтардың арасынан Қарашоқы атты сатқын шықты. Ол қаланың есігін жауға ашып береді. Жаудың әскері сөйтіп Отырар қаласын басып алады.