Магнит өрiсiнiң тогы бар өткiзгiшке әрекеті, электрқозғалтқыш, электр өлшеуіш құралдар. Физика, 8 сынып, сабақ жоспары.

Ұзақ мерзімді жоспар бөлімі:

Электромагниттік құбылыстар

Мектеп:

Күні:

Мұғалімніңаты-жөні:

Сынып: 8

Сабақ тақырыбы

Магнит өрiсiнiң тогы бар өткiзгiшке әрекеті, электрқозғалтқыш, электр өлшеуіш құралдар

Осы сабақта қол жеткізілетін оқу мақсаттары

(оқу бағдарламасына сілтеме)

8.4.3.5 – магнит өрісінің тогы бар өткізгішке әсерін сипаттау;

8.4.3.6 – электрқозғалтқыштың және электр өлшеуіш құралдардың жұмыс істеу принципін түсіндіру

Сабақ мақсаттары

• магнит өрісіндегі тогы бар өткізгішке күш әрекетін түсіндіру;
• тогы бар өткізгішке әрекет ететін күштің бағытын сол қол ережесі арқылы анықтау;
• электрқозғалтқыштың және электр өлшеуіш құралдардың жұмыс істеу принципін түсіндіру.

Бағалау критерийлері

• магнит өрісінің күштік сипаттамасын біледі және бағытын көрсете алады.
• сол қол ережесін қолданылуын түсінеді, сипаттай алады.
• Ампер күшінің, ток күшінің, магнит өрісінің бағытын анықтау үшін сол қол ережесін қолдана алады.

Тілдік мақсаттар

Пәнге тән лексика мен терминология: Сол қол ережесі.

Магнит өрісінің бағыты. Тогы бар өткізгіш.

Диалог пен жазу үшін пайдалы сөздер мен тіркестер:

Бас бармақ … білдіреді

Сұқ саусақ … білдіреді

Алақан … білдіреді

Магниттік күш … перпендикуляр

Құндылықтарды дарыту

Оқушылар сабақ барысында топпен жұмыс істейді.жұмыс барысында жауапкершілік және өзара құрмет құндылықтарын дамытады.

Пәнаралық байланыстар

География пәнімен байланыс (жердің магнит өрісі)

Бастапқы білім

Тұрақты магнит өрісі,тогы бар өткізгіштің магнит өрісі, тогы бар шарғының магнит өрісі.

Сабақбарысы

Сабақтағы жоспарланған іс-әрекет

І. Оқушылардың өткен тақырыптар бойынша білімдерін пысықтау үшін «Домино» ойыны ойнатылады

ІІ. Жаңа білімді меңгеру кезеңі: Мұғалім демонстрация көрсетеді.

Қажетті құралдар: ток көзі, жалғағыш сымдар, Амперметр, таға тәрізді магнит, реостат, тұрғы кілт.

1. Магнит өрiсiнiң тогы бар өткiзгiшке әрекетін оқушылар демонстрациядан бақылайды және әсерін сипаттайды. Мұғалім оқушылардың жауабын толықтырып түсіндіреді

Сипаттама:ұзын жұмсақ сымға ілінген алюминий өткізгіш, таға тәрізді магнит арасына орналастырылып, реостат арқылы тізбектей ток көзіне қосылған. (1 сурет). Ток көзін қосқанда өткізгіш тыныштық күйінен ығысады. Ток бағытын және магнит полюстерін ауыстырғанда өткізгіштің ығысу бағыты да өзгереді. Ток өтіп жатқан өткізгішке магнит өрісі тарапынан әрекет етуші күш Ампер күші болып табылады. Ампер күшінің бағытын қалай анықтауға болады? Суретін салып көрсетіңіз.

• Мұғалім сол қол ережесін түсіндіреді. Ампер тәжірибесі бейне көрсетілім көрсетеді.

3. Электрқозғалтқыш құралдары арқылы тәжірибелер көрсетіледі.(қолдан жасалған, аккумулятор батареясы, мыс сым, тұрақты магнит) Магнит өрісіндегі тогы бар рама және амперметр құралы.

Оқушылар электрқозғалтқыш жұмысын және қолданылуын талқылайды. Мұғалім кері баланыс жасап, оқушы жауаптарын толықтырады

ІІІ. Жаңа білімді бекіту кезеңі:

Оқушылардың меңгерген білімдерін бекітумен қатар, олардың жаңа ұғымдарды қалай түсінгенін тексеру.

Тапсырма: Суретте магнит өрісінің токпен өзара әсері көрсетілген. Әрбір жағдай үшін есепті тұжырымдап, оны шығару керек.

1) егер магнит өрісі мен токтың бағыттары суретте көрестілгендей болса,Ампер күшінің бағытын анықтаңдар (а-г).

2) токтың бағытын анықтаңдар. (д);

3 ) (В- индукция векторының) магнит өрісінің бағытын анықтаңдар. (е,ж).

4) ампер күшін анықтаңдар (з). Сурет 1.

Оқушылар озін -өзі бағалау жасайды, қате жіберілген сұрақтар бойынша бір-біріне кері байланыс жасайды.

Рефлексия

Мұғалім тапсырманың орындалу деңгейін талқылай отырып, сабақ мақсатына оралады. Келесі сабақты жоспарлау үшін оқушыларға сұрақтар қойылады:

- нені білдім, нені үйрендім

- нені толық түсінбедім

- немен жұмысты жалғастыру қажет.

Сұрақтар ауызша немесе жазбаша талқылануы мүмкін.

Үй тапсырмасы:54 тақырып, сұрақа жауап 205 бет

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.