2-сабақ: Шығармашылық идеяны визуалдау. Көркем еңбек (қыздар), 9 сынып, сабақ жоспары.

Ұзақ мерзімді жоспар бөлімі:

Мектеп:

Күні:

Мұғалімнің аты-жөні:

Сынып:

Қатысқандар саны:

Қатыспағандар саны:

Сабақ тақырыбы

2-сабақ: Шығармашылық идеяны визуалдау

Осы сабақта қол жеткізілетін оқу мақсаттары (оқу бағдарламасына сілтеме)

9.1.5.2 әртүрлі графика тәсілдерін қолдану арқылы (оның ішінде ақпараттық-коммуникативтік технологияларды қолданып) өз бетінше графикалық және технологиялық құжатты құру;

9.3.4.1 өзінің және өзгелердің жұмыстарындағы мақсаттың өзіндік анық көруін және негізделген бағаны өзіндік білдіру

 Сабақ мақсаттары

• Эскиз негізінде графикалық/технологиялық карта құру;
• Идеяны түрлі өсімдіктермен іске асыру.

 Бағалау критерийлері

• Эскизге негізделе отырып, технологиялық құжатты құрастыра алады;
• Материалдар мен құралдарды тиімді әрі үйлесімді қолдана алады;
• Техника қауіпсіздігін сақтайды;
• Жұмысты толық аяқтап, көрмеге ұсынады.

 Тілдік мақсаттар

Пәнге тән лексика мен терминология:

Кашпо, өзіндік құны, спецификация

Кашпо, себестоимость, спецификация

Cachepot, cost, specification

Диалог пен жазу үшін пайдалы сөздер мен тіркестер:

• • «Жасыл зерге» арналған сәнді бұйым дайындауда ... қолдандым.
  • Гүлдерді аранжирлеу барысында бұйымдарды ... байланысты құрамдастырдым.
  • Бұл бұйымды жасау үшін ... материалдарын қолдануға болады, себебі, ...
  • Мен бұйымның бөлшектерін ... арқылы біріктірдім.

 Құндылықтарды дарыту

Осы сабақта балалардың бойына еңбек және шығармашылық, бір-біріне құрмет, өмір бойы білім алу құндылықтары практикалық тапсырмалар орындау арқылы жүзеге асырылады.

 Пәнаралық байланыстар

Биология

 АКТ қолдану дағдылары

Осы сабақта оқушылар мәлімет жинау, интерактивті тақтамен жұмыс жасау арқылы АКТ дағдыларын дамыта алады.

Бастапқы білім

Оқушылар түрлі стильдегі интерьерге байланысты өсімдіктерді таңдау, композиция құру, түстердің үйлесімділігі мен пропорцияны сақтай отырып безендіру әдістерін қарастырды. Өсімдіктерден композиция құрып, эскиз орындады.

Сабақ барысы

Сабақта жоспарланған іс-әрекеттер

Оқушылармен сәлемдесу.

Қол моторикасын дамытуға арналған жаттығулар орындау.

Сабақтың тақырыбы мен ОМ анықтау.

Оқушылар алдыңғы сабақта арнайы бір орынды түрлі өсімдіктермен безендіру бойынша эскиз орындап, көрмеге қойып, оны материалда іске асыру үшін әр топтың ең ұтымды композициясы таңдалды.

• Қандай критерийлер бойынша бұл эскиздің концепциясы сіздерге ұнады?
• Оны іске асыру үшін жұмыстың реттілігі қандай болуы мүмкін?

(Ө) (Ж) (Т) 1-тапсырма. Технологиялық құжат құру.

Оқушылар таңдалған эскизді талдай отырып, өсімдіктердің, сәнді кашпо немесе арнайы конструкциялардың атауын, олардың саны мен өзіндік құны берілген спецификация құрастырады.

Дескрипторлар:

• Қолда бар материалдарды талдап, идеяны іске асыруға қажеттісін таңдайды;
• Эскизге негізделе отырып, технологиялық құжатты мәліметтермен толықтырады;

Топта жұмыстың реттілігі анықталған соң, белгілі бір жұмысты орындау іс-әрекеттерінің бірізділігін және операцияларын бөліп алады. Топтың әр мүшесі белгілі бір нақты операцияға жауапты, мысалы, матаға белгі қою, келесісі – бөлшекті қию, одан кейінгісі – конструкцияларды желімдеу т.б.

(Ө) (Ж) (Т) 2-тапсырма. Топтағы орындалған ең үздік эскизге негізделе отырып, гүлдер оазисін, суккуленттер бақшасын, флорариум, фитокартина немесе т.б. жасау.

Дескрипторлар:

• Технологиялық құжаттағы реттілікті ұстанады;
• Материалдар мен құралдарды тиімді әрі үйлесімді қолданады;
• Техника қауіпсіздігін сақтайды;
• Аяқталған жұмыс ұсынады.

Саралау: оқушылар қолда бар материалдарын түрлі әдіс-тәсілдерді пайдалану және өз қажеттілігі мен дағдысын қолдануға таңдау беру арқылы жүргізіледі.

Жұмыс аяқталған соң, көрме ұйымдастырып, бір-бірінің жұмысын бағалап, кері байланыс береді. Мектептің, кабинеттің іші мен коридор, фойесіне орындалған шығармашылық туындыларды қойып, безендіруге болады.

Сабақтың соңында оқушылар өз жұмыстарына шағын эссе жазу арқылы талдау жасайды, кері байланыс береді.

• Не ұнады?
• Нені жақсарту керек?
• Болашақта алған білімді қалай қолдануға болады?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Бұл бөлімде оқушылардың сабақ барысында үйренгенін бағалау үшін көрме ұйымдастыру, ашық сұрақтар мен бақылау жүргізу арқылы жүргізіледі.

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?