Бөлшектерді біріктіру және бұйымды әрлеу. Бұйымды безендіру. Көркем еңбек (қыздар), 6 сынып, сабақ жоспары.

Ұзақ мерзімді жоспар бөлімі:

3 A бөлім: Дизайн және технология

Мектеп:

Күні:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Бөлшектерді біріктіру және бұйымды әрлеу.

Бұйымды безендіру.

Осы сабақта қол жеткізілетін оқу мақсаттары (оқу бағдарламасына сілтеме)

6.2.2.2

Тігін бұйымдарын ылғалды-жылулық өңдеу режимдерін білу, сипаттау және оларды тәжірибеде қолдану.

6.2.3.2

Әр түрлі конструкциялар мен материалдарды (тоқыма, табиғи және жасанды) қолдана отырып, бір өнім орындау.

 Сабақ мақсаттары

• түрлі құралдармен жұмыс істеу барысында қауіпсіздік техникасының ережелерін ұстану;
• жұмыс орнын ұйымдастыру, жұмыс орнын тазалықта ұстау;
• бұйымды түрлі материалдар, техникалар, құралдарды қолдану арқылы жасау.

Бағалау критерийлері

• қол және электронды құралдармен жұмыс істеудің тәсілдерін біледі;
• бұйымды біріктірудің тәсілдерін жасайды;
• материал мен техниканы тиімді қолданады.
• бұйымды өңдейді.
• бұйымды әсемдейді.

 Тілдік мақсаттар

Пәнге тән лексика мен терминология:

Жібек, трикотаж, синтетика, капрон, тігіс және т.б.

Диалог пен жазу үшін пайдалы сөздер мен тіркестер:

Қуыршақтың ұсақ бөліктерін жалғау барысында ....

Қуыршақты жасау үшін .....материалдарды қолданған жөн.

Қуыршақтың бөліктерін жалғау үшін....

Құндылықтарды дарыту

Осы сабақта балалардың бойына еңбек және шығармашылық, бір-біріне құрмет құндылықтары практикалық тапсырма орындау арқылы дарытады.

Пәнаралық байланыстар

Химия (мата талшықтарының құрамы мен қасиетін анықтау тапсырмасы).

АКТ қолдану дағдылары

Осы сабақта оқушылар интернеттен мәлімет іздеу дағдыларын дамытады.

Бастапқы білім

Оқушылар алдыңғы сабақта тоқыма материалдарынан түрлі бұйым жасау туралы идеяларын дамыту бойынша жұмыс жасады.

Сабақ барысы

Сабақтағы жоспарланған іс-әрекет

Ұйымдастыру кезеңі.

- Презентацияда көрсетілген аксессуарларды ата.

Сабақ мақсаты мен бағалау критерийлерін анықтау

Сұрақтарға жауап бер:

• Өз қуыршақтарыңның бейнесін қандай аксессуарлармен толықтыруды ойлайсыңдар?
• Аксессуарды жасау үшін қандай материалды қолдануға болады?

Мысалы: сөмке, аяқ киім, моншақ, көзілдірік және т.б.

Талқылау.

- Қуыршақты көрмеге қалай дайындауға болады?

Практикалық тапсырма

Аксессуарларды жасау. Ол үшін моншақ, түйме, ленталарды және т.б. материалдарды қолдану

Қосымша тапсырма.

Бұйымды таныстыру үшін презентация дайындау.

Презентация төмендегі критерийлерді қамтиды.

• 1-слайды: титульдық бет (бұйымның атауы, авторы, сынып, жетекші);
• 2-3 слайд: идея, зерттеу барысы (суреттер, эскиздер, шаблондар);
• 4-5 слайд: жұмыс барысы (қолданылған материалдар, практикалық жұмыстың фотосуреттері (дәлелдемелер);
• 6 – слайд: қорытынды (Не істедім? Не сәтті шықты? Нені түрлендіруім қажет?)

Аннотация үшін сұрақтар:

- Қуыршақтың аты қалай?

- Ол қайда тұрады?

- Ол немен айналысуды жақсы көреді?

- Оны жасаудың ерекшелігі неде? Оны жасау үшін қандай материал қолдандың? Техникасы қандай?

- Қуыршағыңның аксессуарлары қандай?

- және т.б.

Сабақ соңында оқушылар рефлексия жүргізеді:

"Екі жұлдыз, бір тілек" әдісі. Оқушылар бір - бірлерінің жұмыстарын критерийлерге сай бағалайды. Кері байланыс береді.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Оқушылардың орындаған практикалық тапсырмалары мен сұрақ-жауап негізінде бағалау жүргізу.

Техника қауіпсіздігі ережесі

1. Жұмысқа кірісуден бұрын машина платформасындағы қажет емес заттарды тазалап, оның аяғының нық тұрғанына, инелерінің дұрыс орналасқандығына көз жеткізу керек.

2. Машина жұмыс істеп тұрғанда, машинаның қозғалып тұрған бөлшектеріне жақын еңкеюге болмайды.

3. Қол саусақтарын машинаның табанымен инеге жақындатпау керек.

4. Тігін машинасымен жұмыс істегенде машинаның қозғалысынан және айналып тұрған бөлшектерінен сақтан.

5. Жұмыс кезінде арнайы киім: алжапқыш, басқа орамал тарту керек.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?