Неліктен І Карл мен ІІ Осман шексіз билеуші монарх бола алмады? Дүние жүзі тарихы, 6 сынып, сабақ жоспары.

Ұзақ мерзімді жоспар бөлімі:

7-бөлім Абсолютизм: Батыс пен Шығыс

Мектеп:

Күні:

Мұғалімнің аты-жөні:

Сынып: 6

6.3.1.2 - Батыс пен Шығыстағы монархия формаларын (сословиелік-өкілдік және шексіз билік) ажырату

6.3.1.5 - саяси биліктің ерекшеліктерін анықтау үшін әртүрлі ел билеушілерінің қызметін салыстыру

І Карл мен ІІ Османның монархия формаларын анықтап, шексіз билеуші монарх бола алмау себептерін анықтау

• І Карл өзін шексіз монарх ретінде көрсете алмау себебін анықтайды;
• Оқушылар І Карлдің билігімен ІІ Осман империясындағы монархиялық жүйенің ұқсастығы мен айырмашылығын анықтап, салыстырады;
• Оқушылар ІІ Османның монархиялық билігі төңірегінде ой-талқы жасайды.

себеп-салдар

Пәнге тән лексика мен терминология:

• Абсолютизм, абсолюттік билеуші/монарх, монархия,
• I, Карл, Англия шіркеуі, протестанттар,
• II Осман, янычар, сұлтан, ұлы билеуші
• Жазу мен диалогқа қажетті сөз тіркестері:
• Менің ойымша Осман империясының монархы………абсолютті монарх (монархтар) болды(болмады), өйткені………

Менің ойымша I Карл, ағыз абсолютті монарх…….болды(болмады), себебі,,,,,,,,,,,

- тұлғааралық қарым-қатынасты дамытуға және бағалауға мүмкіндік беретін жұптық және топтық жұмыстарды қолдану;

- жеке тұлғаның пікірін ескеру және әрбір ойдың құндылығын құрметтеу;

- басқа мемлекеттердің тарихына қызығушылық қалыптастыру;

Қазақстан тарихы (Түрік қағанаты, Оғыз мемлекеті)

Осы сабақта интербелсенді тақта және сабақ тақырыбы бойынша презентация пайдаланылады.

XIV Людовик пен I Петр және Юнлэ мен Токугава шексіз билеуші ретінде танылды, абсолюттік монархияның белгілері Батыс пен Шығыс билеушілерінен көрініс тапқанын білу.

Сабақ барысы

Сабақтағы жоспарланған іс-әрекет

(БЫМ) (Б) Оқушыларға І Карл мен ІІ Осман патшалардың портреттері мен мемлекет суреттері, Стамбұлдағы Топкапы сарайының суреттері көрсетіліп, сұрақтар қойылады.

1. Бұл суреттердің бір-бірімен қандай байланысы бар?

2. Бұл суреттер топтамасы қандай ойды білдіреді? Оқушылардан олардың жауабын тыңдап болған соң, суреттегі І Карл Англия елінің королі, ІІ Осман Осман империясының сұлтаны екендігін, көркем жазулы мөр оның билігінің бекітілуі, сарайы-оның сән-салтанатты үйі, ал садақтың адырнасы болжам бойынша оны тұншықтырып өлтірген құралы екендігін түсіндіріледі.

Осы ақпараттар арқылы сабақ тақырыбына болжам жасату.

Жұмыс дәптеріне сабақ тақырыбын жазып, оқушылармен бірлесіп, сабақ мақсаты анықталады, бағалау критерийлері және тарихи концептімен танысу.

Б. Миға шабуыл:

• Англия қай жерде орналасқан?
• Ортағасырлық Англия мемлекеті туралы не білесіңдер?
• Англия королі І Карл мен ІІ Осман неліктен шексіз монарх иесі бола алмады?

М/Ж №1 тапсырма: Мұғалім оқушыларға «Англия XVII ғ.» деген мәтін таратып, І Карл өзін шексіз монарх ретінде көрсете алмау себебін мәтіннен анықтатып, ІКарлдің абсолюттік монархияны құру үшін қалай әрекет ету керектігі туралы қорытынды жасатыңыз.

 Ж. Жұпта жұмыс нәтижесін талқылап, жұмыстарын жариялайды.

 Дескрипторлар:

• Карл Стюарт монарх ретіндеөзін көрсете алмау себебін анықтайды;

Ж. №2 тапсырма: Оқушылар жұппен І Карлмен ІІ Осман империясындағы монархиялық жүйенің ұқсастығы мен айырмашылығын кестеде берілген сұрақтар төңірегінде анықтап, салыстыру жасату.

Дескрипторлар:

• Оқушылар жұппен І Карлдің билігімен ІІ Осман империясындағы монархиялық жүйенің ұқсастығын анықтап, салыстырады;
• І Карлдің билігімен ІІ Осман империясындағы монархиялық жүйенің айырмашылығын анықтап, салыстырады;

Т. №3 тапсырма: Османды кім өлтіруі мүмкін және оны өлтіруге қандай жағдайлар итермелеуі мүмкін?

ІІ Осман билігінің ерекшелігі неде?,- деген сұрақ төңірегінде ойлану ұсынылады және сұлтан янычарлардың әскербасыларының бұйрығымен тақтан құлатылғаннан кейінгі күні өлтірілгені айтылады. Осы сұрақ төңірегінде ой-талқы жасау үшін алдан-ала кеспе қағаздар таратылады.

Дескрипторлар:

• Оқушылар Османды кім өлтіруі мүмкін және оны өлтіруге қандай жағдайлар итермелеуі мүмкін? деген сұрақ төңірегінде ой-талқы жасайды.
• ІІ Осман билігінің ерекшелігі неде?,- деген сұрақ төңірегінде ой-талқы жасайды.

Б Менің ойымша, Осман империясының монархы……….абсолютті монарх болды (болмады), өйткені………

Менің ойымша, I Карл нағыз абсолютті монарх……..болды (болмады), себебі..... деген сөз тіркестерін қолданып, оқушылар өз ойларын қорытындылайды.

Рефлексия: (аяқталмаған сөйлемдер)

Мен білдім ...Мен үйрендім ...Маған ұнағаны ...Маған қиындық туғызды ...Менің көңіл-күйім ...

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Бұл бөлімде оқушылардың сабақ барысында үйренгенін бағалау үшін қолданатын әдіс-тәсілдеріңізді жазасыз

Сабақта бағалаудың түрлері қолданады: өзін өзі, бірін бірі, топтық және мұғалімнің бағалауы.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Мұғалім сабақ барысында кері байланыс беріп тұрады.