Экожүйелер. Биология, 8 сынып, сабақ жоспары.

Ұзақ мерзімді жоспар бөлімі: 8.4D Биосфера, экожүйе, популяция

Мектеп:

Күні: ___

Мұғалімнің аты-жөні:

Сынып:

Қатысушылар саны:

Қатыспағандар:

Сабақтың тақырыбы

Экожүйелер (жаңа тақырыпты меңгерту)

Осы сабақ арқылы жүзеге асырылатын оқу мақсаттары

8.3.1.1 экожүйелердің жалпы құрылымының сызбасын жасау

8.3.1.2 су және құрлық экожүйелерін салыстыру

 Сабақтың мақсаттары

• Экожүйенің құрылымдық сызбасын құру
• Су және құрлық экожүйелерін салыстыру

 Бағалау критерийлері

• Экожүйенің құрылымдық сызбасын құрады
• Су және құрлық экожүйелерін салыстырады

 Тілдік мақсаттар

Оқушылар:

• экожүйенің құрылымдық сызбасын құрып, су және құрлық экожүйелерін энергия, қорек көзі, құрылым бөліктері бойынша ауызша жазбаша түрде салыстыра алады.

Пәнге қатысты лексика мен терминология:

Су экожүйесі, құрлық экожүйесі, энергия көзі, қорек көзі

Диалог құруға /жазылымға қажетті сөздер топтамасы:

Су экожүйесінде...қорек көзі болады.

Құрлық экожүйесі су экожүйесімен салыстырғанда...бай.

Құрлық экожүйесі үшін ...қорек көзі болады.

 Құндылықтарды дарыту

Оқу тапсырмасын орындау кезде қоғамдық өмірге дайын болу, өзін бақылауда ұстай білу, бәсекеге қабілетті бола білу құндылықтары дамытылады.

Жазбаша жұмыстар арқылы академиялық шыншылдық, нақтылық, өзін өзі реттей білу құндылықтары дамытылады.

Ауызша жұмыстар арқылы ойды реттей білу, сенімділік, дәлелдерді қолдана білу құндылықтары дамытылады.

Таныстырылым кезінде өзіне деген сенімділік, талдау жасау, ойды жинақтау, идеяларды үйлестіру тыңдаушылармен байланыс орнату құндылықтары дамытылады.

Жеке жұмыс кезінде өзіне деген сенімділік, өзін-өзі көрсету құндылықтары дамытылады.

Топтық немесе жұптық жұмыс кезінде ортақ іс атқаруда ынтымақтастықта бола білу, жаһандық азаматтық, өз оқуына жауапкершілікпен қарау, сынға алу, ортақ пайдалану құндылықтары дамытылады.

Моделдеу арқылы креативтілік, жаңашылдық, тапқырлық, таңдау жасай білу, ризашылық білдіру, ынтымақтастықта бола білу, бейімділік құндылықтары дамытылады.

 Пәнаралық байланыс

Экожүйенің абиотикалық факторлары: ылғалдылық пен температураны қарастыру арқылы физика пәнімен, рН, химиялық құрам туралы түсініктер арқылы химия пәнімен байланыс орнатылады.

Алдыңғы білім

7-сыныптан экожүйенің құрамбөліктерін, 8-сыныптан популяция түсінігін біледі.

Сабақ барысы

Сабақ қезеңдері

Жоспарланған іс-әрекеттер

Оқыту көздері мен ресурстар

Сабақтың басы

0-5 мин

Мұғалім оқушыларға су және құрлық экожүйелерінің сызбасын жасауды тапсырады. Оқушылар өздерінің алдыңғы білімдеріне сүйене отырып экожүйелердің сызбаларын құрады. Дайын болған сызбаларды пайдалана отырып мұғалім олардың айырмашылықтары мен ұқсастықтарын анықтауды сұрайды. Оқушылардан экожүйелерді қандай белгілері бойынша салыстыруға болады деп талқылау жүргізеді.

Оқушылармен бірге сабақтың мақсаты мен бағалау критерийлерін таныстырады.

1 -2 слайдтар

1 - қосымша

Сабақтың ортасы

Оқушылар құрған экожүйелері бойынша екі үлкен топқа бірігіп, су және құрлық экожүйесіне тән сипаттамалар жазады. Бірінші топ құрлық экожүйесіне тән, екінші топ су экожүйесіне тән сипаттамаларды жазады.

Екі топ өз жұмыстарымен алмасып, қарсы топ толықтырулар еңгізеді.

Осы сызбаларын пайдалана отырып оқушылар қазақстандағы 3 түрлі экожүйені салыстырып айырмашылықтары мен ұқсастықтарын түсіндіреді.

Мұғалім оқушыларға сұрақтар қойып, тиісті кері байланысты ұсынады.

Оқушыларға қалыптастырушы бағалау тапсырмалары ұсынылады.

Сабақтың соңы

Кері байланыс

• Мен бүгінгі сабақтан................ алдым
• Маған.................................... ұнады
• Мен келесіде.............................. қарастырамын

16-слайд

Қосымша ақпарат

Дифференциалды оқыту – Көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?

Оқушыларға ресурстың әртүрлі түрлері ұсынылу арқылы

Оқушылар қосымша ақпарат көздерін пайдаланып өз білімдерін тереңдете алады

Кейбір оқушылар қосымша тапсырма орындай алады

Кейбір оқушыларға ағылшын тілінде түсіндіру мүмкіндіктері берілу арқылы

Кейбір оқушыларға мұғалім тарапынан бағыттаушы сұрақтар қою, шағын түсіндірмелер беру сияқты жолдармен көмек көрсетілу арқылы

Бағалау – оқушылардың берілген материалды меңгеру деңгейін қалай тексересіз?

Оқушылардың ауызша жазбаша жауаптары арқылы

Қалыптастырушы бағалау тапсырмасы арқылы

Оқушылардың құрған сызбалары арқылы

Сызбаларды салыстыра білулері арқылы

Денсаулықты сақтау және қауіпсіздік ережелері

Сабақ барысында биология кабинетіндегі қауіпсіздік ережелерін сақтау.

Экожүйенің сызбасын құру, талқылаулар кезінде белсенді қозғалыс жасайды