Шығармадағы оқиғаны болжау С.Сарғасқаев «Шеге мен балға» ертегісі нұсқаулық. 3 сынып. Әдебиеттік оқу

Бөлім: Сәулет өнері

Сабақ тақырыбы:

1.3 Шығармадағы оқиғаны болжау

С.Сарғасқаев «Шеге мен балға» ертегісі.

Оқу мақсаты:

3.1.3.1 шығармадағы кейіпкерлердің мінез- құлқы мен іс- әрекетіне, ондағы оқиғаларға сүйеніп, сюжеттің дамуын болжау

3.2.2.1 қолдануға (практикалық), бағалауға негізделген сұрақтар қою және жауап беру

Сабақ мақсаты:

Барлық оқушылар: ертегіні түсініп оқиды, кейіпкерлердің мінез- құлқы ерекшеліктерін сипаттайды, сұрақтарға жауап береді.

Көптеген оқушылар: ертегіні рөлге бөліп оқиды, кейіпкерлердің мінез- құлқына іс- әрекеттеріне сүйеніп мінездеме береді, сұрақтар құрастырады.

Кейбір оқушылар: ертегідегі кейіпкерлердің мінез- құлқы мен іс- әрекетіне, ондағы оқиғаларға сүйеніп, сюжеттің дамуын болжайды, ертегіні өмірмен байланыстара отырып, дәлелдер келдіреді.

Бағалау критерийлері:

• мәтін бойынша сұрақтар қояды және жауап береді;
• ертегі кейіпкерлерінің мінез- құлық ерекшеліктерін айтады;
• мәтіндегі оқиғаның негізінде сюжеттің соңын болжайды7

Сабақтың барысы

Сабақтың басы

(ТЖ) Ширату тапсырмасы

Кестеден сөздерді тауып боя.

Кестеден ата, шеге, ата, балға, жеңге сөздері шығады.

• Ендеше бүгінгі сабағымыздың тақырыбы қандай болуы мүмкін?
• Сабақтың тақырыбы мен мақсатымен таныстыру;

Жетістік критерийлерімен таныстыру.

Сабақтың ортасы

1-тапсырма «Алғашқы бестік»

(МК, Ұ) Балға деген сөзді естігенде ойларыңа не келеді? Алғашқы ойларына келген 5 сөзді алдыларыңыздағы стикерге жазыңыздар.

• Барлығымыздың үйіміздегі балталарды алып қарасақ қара темір. Балға- еңбек құралы.
• Қалай ойлайсыздар, балғаның пайдасы көп пе? Шегенің бе?
• Қайсыны мақтануға тұрарлық қызмет атқарады.

2- тапсырма

• Осы сұрақтарымызға жауап алу үшін «Шеге мен балға» ертегісін оқып танысамыз.

Мұғалім оқушылардың назарын оқулықта берілген мәтінге аударту. Мәтінді оқуға уақыт беру.

Оқудың алдында оқушыларға оқылымның критерийлерімен таныстыру:

• Әрбір кейіпкердің не айтқанын, олардың іс- әрекетін есте сақтау;
• Рөлге ене отырып, дауыс ырғағын келтіріп оқу;
• Мәтінді түсініп оқу.

Егер критерийлері дұрыс орындалған жағдайда тапсырмаларды орындауда жеңіл болатынын ескерту қажет.

• Ертегіні белгіленген жерге дейін оқу. (Бай диірменші шалға келеді) деген азат жолына дейін оқу.

3- тапсырма

 Әрі қарай не болады деп ойлайсың? Ертегінің соңын болжап айт тапсырмасы беріледі.

Саралау: тапсырма қабілеті бойынша сараланады. Тапсырма барлық оқушыларға ұсынылады, бірақ әртүрлі нәтиже күтіледі. Қабілетті жоғары оқушылар қабілеті төмен оқушыларға көмек көрсетеді.

(ҚБ) Дескриптор:

• ертегінің соңын болжап айтады;
• ертегідегі оқиғаны жүйелі жалғастырады;
• сөйлеу барысында тілдік нормаларды сақтайды.
• Ертегінің аяғын мұғалім оқып береді. Оқушылар өз болжамдарымен салыстырады.

Сергіту сәті

Қолдарыңды көтеріңдер – бір дейік.

Көп отырып, қатты шаршап жүрмейік.

Қолды создық, басты бұрдық – екі деп,

Қозғалыспен әрбір адам жетіледі.

Алға, артқа қарадық та – үш дедік.

Тағы жаңа жаттығулар істедік.

Түсірейік қолды төрт пен бесті айтып,

Отырайық көңілді енді марқайтып.

4- тапсырма

Мәтін бойынша сұрақтар құрастыру тапсырылады. Сұрақтар үлгісі ұсынылады?

• Ергеті кейіпкерлерін ата.
• Балғаның иесі кім?
• Оспан атаның сайман- құралдары қай жерде тұрады?
• Балғаны сипаттаған жерін тауып оқыңыз.
• Тағы қандай құрал- саймандарды атады?
• Сен тағы қандай құрал- саймандарды білесің?
• Кейбір шегелер неге майсып кетеді?
• Шегегелерді емдеу дегенді қалай түсінесіздер?

Саралау: тапсырма бойынша саралау жүргізіледі. Тапсырма оқушылардың барлығына ұсынылады, бірақ әртүрлі нәтиже күтіледі. Көптеген оқушылар сұрақтарды өздері құрастырады. Кейбір оқушылар өз ойларына ертегіден мысал келтіре отырып дәлелдейді.

(ҚБ) Дескриптор:

• мәтін бойынша сұрақтар қояды;
• мәтіннің мазмұны бойынша сұрақтарға жауап береді.

«Бағдаршам» түстеріне сәйкес бірін- бірі бағалайды.

5- тапсырма

(Ө) Оқушыларға кесте толтыру ұсынылады.

Сабақтың соңы

Рефлекция: «Таңдау» әдісі

• 1. Мен сабақ қызықты _____________ қызықсыз болды деп ойлаймын.

• 2. Мен сабақта: үйрендім көп нәрсені _____________ үйренгенім аз болды.

• 3. Мен басқаларды мұқият ______________ зейінсіз тыңдадым.

• 4. Мен пікірсайыстарға жиі ______________ сирек қатыстым

• 5. Мен сабақтағы өз жетістіктеріме ризамын ____________ риза емеспін.

Бұл карточканы таратып бергенде оқушылар өздерінің сабаққа қатысу деңгейі мен сабаққа деген ынтасын білдіретін сөйлемдердің бірінің тұсына « +» белгісін қою тапсырылады.

 Ескерту. Сынып оқушыларының ерекшелігіне байланысты мұғалім тапсырмаларды түрлендіріп бере алады.