Теріс рационал сандарды қосу. Таңбалары әртүрлі рационал сандарды қосу. Математика, 6 сынып, сабақ жоспары.

Ұзақ мерзімді жоспар бөлімі: 6.1В Рационал сандар және оларға амалдар қолдану

Мектеп: Тараз қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні:

Аскарбаев Б., Каражигитова К.Е.

Сынып: 6

Қатысқандар саны:

Қатыспағандар саны:

Сабақ тақырыбы

Теріс рационал сандарды қосу. Таңбалары әртүрлі рационал сандарды қосу.

Осы сабақта қол жеткізілетін оқу мақсаттары (оқу бағдарламасына сілтеме)

6.1.2.13

таңбалары бірдей, таңбалары әртүрлі рационал сандарды қосуды орындау;

Сабақ

мақсаттары

Оқушылар:

• таңбалары әр түрлі рационал сандарды қосуды үйренеді;
• координаталық түзуде нүктелердің координатасын табады.

Бағалау критерийлері

Оқушылар

• таңбалары әр түрлі рационал сандарды қосуға есептер шығарады;
• координаталық түзудегі нүктелерді белгілейді.

Тілдік

мақсаттар

Оқушылар:

• рационал сандарға қосу және азайту амалдарын орындауда түсінік береді.

Пәнге қатысты лексика мен терминология:

• рационал сандар; координаталық түзу; бірлік кесінді; санақ басы;

оң бағыт; теріс бағыт.

Диалог пен жазу үшін пайдалы сөздер мен тіркестер:

• таңбасы бірдей сандарды қосу үшін … керек;
• таңбалары әртүрлі сандарды қосу үшін ... керек.

Құндылықты

дарыту

• құрмет

оқушы мен оқушы, оқушы мен мұғалім арасындағы қарым-қатынастың қатар-құрбыға деген сыйластық пен үлкенге деген ізеттіліктің негізі екендігін ұғыну;

• ынтымақтастық

жұптық жұмыста өзара ынтымақтастықта жұмыс жасау;

• ашықтық

жұппен жұмыста өз пікірін ашық айту және құрдасының пікірін тыңдай білу;

• еңбек және шығармашылық

берілген тапсырмаларды орындауда еңбек етудің маңыздылығын ұғынып, шығармашылық қабілетін шыңдау;

• өмір бойы білім алу

таңбалары әр түрлі рационал сандардың қосындысын табуды үйрену арқылы білімінің өмірлік қажеттілігін түсіне білу.

Пәнаралық

байланыстар

Қоршаған ортада кездесетін өлшемдері әртүрлі шамаларды есептеуде таңбалары әртүрлі сандарды қосу тақырыбында алған білімдерін қолданады. Таңбалары бірдей, таңбалары әртүрлі рационал сандарды қосу амалдарын қолдану күнделікті өмірде есептеулер жүргізу үшін маңызды және физикада, химияда, биологияда, географияда пәндерінде сандық есептеулер жүргізуге көмектеседі.

Бастапқы білім

Рационал сандарды салыстыруды, координаталық түзуде кескіндеуді және координаттық түзу көмегімен қосуды біледі.

Сабақ барысы

Сабақтағы жоспарланған іс-әрекет

• Амандасу. Сыныпты түгелдеу. Оқушылардың сабаққа дайындығын тексеру.

Сабақтың сабақ тақырыптары мен мақсаттарын тұжырымдау және жазу.

Сабақ тақырыбы: Таңбалары әр түрлі рационал сандарды қосу.

Сабақтың мақсаты: Оқушылар таңбалары әр түрлі рационал сандарды қосуды үйренеді, координаталық түзуде нүктелердің координатасын табады.

Бағалау критерийін оқушылармен бірге құрастыру

Үй тапсырмасын тексеру. Оқушылар жұп болып жұмыс жасап, бір-бірінің есебін тексереді. Өзара бағалау.

Жедел сұрақ.

•Оң сан деген не? Теріс сан деп

•Қандай санды айтамыз?

•Оң сандар мен теріс сандар координаталық түзуде қалай кескінделеді?

•Оң сандар мен теріс сандарды қалай салыстырамыз?

Оқушылардың өздері жауабын ұсынады.

•Барлық оң сандарды, барлық теріс сандарды жаз:

•- 6; 8,1; - 10,5; 37; -88,89; -0,097; 674; 45,8; -0,42

• Өсу ретімен орналастыр

Оқушы тапсырманы жеке орындайды Тапсырманы орындап болған соң слайдтағы дайын жауабымен бір – бірін тексереді.

Жаңа сабақты түсіну

Жаңа тақырыпты проблемалық оқыту

Сыныппен жұмыс:

Таңбалары әр түрлі теріс сандарды қосу

Есеп. Таңертең ауаның температурасы -3С болды, ал түсте +4С-қа өзгерді (4С – қа жоғарылады). Түсте ауа температурасы неше градус болды?

Ойлан…

Таңбалары әр түрлі, екі санды қосу үшін:

1)Үлкен модульден кіші модульді азайту керек;

2)Шыққан санның алдына модулі үлкен қосылғыштың таңбасын қою керек.

Мысалы: 1) 9+(-5)=9-5=4 2) (-10)+7=-3

Қарама – қарсы сандардың қосындысы 0 – ге тең.

а+(-а)=0. Мысалы: (-14,9)+(+14,9)=0

Оқушылардың өздері шығаруға мүмкіндік беру. Жауабын негіздеуді сұраған жөн. Слайдтағы дайын жауабымен тексереді.

Жаңа сабақты меңгеру.

Жұптық жұмыс:

Тапсырма 1.

Қосуды орындаңыз (ауызша):

• 18+(-9)
• (-21)+14
• (-31)+53
• 32+(-21)
• 45+(-45)
• 0+(-31)
• (-17)+20
• (-70)+10
• (-25)+30

Тапсырма 2

Есептеңіз:

• (-1,3)+2,5
• (-4,6)+1,9
• 5,1+(-10)
• 5,8+(-8)
• 4,5+(-2,8)
• 2,1+(-5)

Тапсырма 3

Есептеңіз:

Тапсырма 4.

Координаталық түзуде А(5) және В(-4) нүктелерін белгілеңдер:

• С нүктесі А нүктесінен солға қарай (теріс бағытта) 8 бірлік кесіндіге тең қашықтықта жатыр. С нүктесінің координатасын табыңдар.
• D нүктесі В нүктесінен оңға қарай (оң бағытта) 6 бірлік кесіндіге тең қашықтықта жатыр. D нүктесінің координатасын табыңдар.

Бірнеше оқушылардан тақтаға шығып өз жауаптарымен бөлісулері сұралады. Жауаптардың дұрыс па жоқ па екенін қалған оқушылардан сұрап талқыланады.

Жаңа сабақты бекіту.

Өзіндік жұмыс:

1 тапсырма. Кестені толтырыңдар

2 тапсырма. Қосуды орындаңдар

• -3+(-5)+(-7)+2
• 17+(-2)+(-9)+5+(-7)+9
• -8,3+5,6
• -9,7+14,3
• -9+0,9
• 14+(-15,91)

Презентациядағы дайын жауаптар бойынша өзін-өзі тексеріп, дескриптор боынша өзін бағалайды.

Сабақты қорытындылау:

Рефлексия

• Қандай тапсырмалар қиындық туғызды?
• Неліктен?
• Жұмыста нені ескермедіңіздер?
• Неліктен?
• Нәтижені қалай жақсартуға болады?

Сабақ соңында оқушылар рефлексия жүргізеді:

1.Нені үйрендім?

2.Нені білгім келеді?

3.Нені түсінбедім?

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы. АКТ-мен байланыстар

Оқушылар сабақ бойы жеке және жұппен жұмыс жасайды.

Жұптық жұмыста өз-өзіне сенімсіз оқушылар анағұрлым өздеріне сенімді оқушылармен жұмыс істеу барысында, тапсырманы орындау жолдарын бақылап, үйренеді. Ашық сұрақтар беріледі, себебі білімі жоғары оқушылар оларды кең ауқымды мағынада түсінеді.

Оқушылардың тапсырмаларды орындауға және диалогтарға қаншалықты қатысатындығын бақылау жолымен бағалау.

Прогресс, жұппен жұмыс кезіндегі жауап реакциясы әр оқушының үлесін бағалау .

Жұптар бір-бірін бағалайды , яғни өзара бағалау болады және өзін-өзі бағалайды.

Сабақты бекіту кезеңінің алдында «көз жаттығуын» жасататылады.