Координаталық түзу көмегімен бүтін сандарды қосу және азайту. Математика, 6 сынып, дидактикалық материал.

Қосымша 3

Тақырып бойынша қосымша есептер

Дискриптор:

1. Координаталық түзуді пайдаланып сандарды қосу және азайту ережесін біледі;

2. Координаталық түзуде санды белгілей алады;

3. Координаталық түзуді пайдаланып сандарды дұрыс қосады.

№1. Келесі сандарды координаталық түзуде қосыңыз;

1) 5 және 4;

2) 3 және 7;

3) -4 және 5;

4) -4 және -4;

5) 2 және 0;

6) 0 және 6;

7) -7 және 3;

8) 5 және -5.

№2. -50,5 және 50,5 сандарының арасында неше бүтін сан орналасқан?

№3. Жердің солтүстік жарты шарындағы Оймякон елді мекенінде ең төменгі температура -71°С болды. Бірақ «Восток» станциясындағы полярлық зерттеулер нәтижесінде Жер шарындағы ең төменгі температура одан да 18°С-қа төмен екендігі анықталды. «Восток» станциясының зерттеуі бойынша анықталған Жер шарындағы ең төменгі температура неше градус?

№4.Арна суының тереңдігі 7 м болатын. Осы арнадан егістік алқапты суаруға байланысты арна суының деңгейі -0,8 метрге өзгерді. Анна суының тереңдігі енді неше метр болды?

№5. Тауар бағасы 2000 теңгеге арзандатылды. Тауардың алғашқыдағы бағасы а болса, арзандатылғаннан кейінгі бағасы неше теңге болды? 3500 теңгеге қымбаттаған болса ше?

№6. Координаталық түзуде А нүктесіне а+4 саны және В нүктесіне а+(-4) саны сәйкес келеді. АВ кесіндісінің ортасына қандай нүкте сәйкес келеді.

№7. а) —а; б) —(—а) өрнегі оң, теріс немесе нөлге тең бола алады ма?

№8. Қандай сандар

а) 7 санынан 4 бірлікке;

ә) -5 санынан 6 бірлікке;

б) -2 санынан 3 бірлікке қашық орналасқан?

№9. Бос орындарды толтырыңыз:

6+ ?=5 -4+ ? = -1 -2+?=-5  -3+?=-7